सोनम वांगचुक यांच्या आंदोलनाची सरकारने तातडीने दखल घ्यावी – सौ. शिवशंभूप्रिया जांभळेकें
केंद्रीय शिक्षण क्षेत्रातील कथित गैरव्यवस्था, परीक्षा व्यवस्थेतील अनियमितता आणि विद्यार्थ्यांसमोरील वाढत्या समस्यांच्या पार्श्वभूमीवर दिल्लीतील जंतर-मंतर येथे आंदोलन करणारे ज्येष्ठ शिक्षणतज्ज्ञ व शास्त्रज्ञ सोनम वांगचुक यांच्या आंदोलनाची केंद्र सरकारने तातडीने दखल घ्यावी, अशी मागणी आंतरराष्ट्रीय स्वाभिमानी महासंघाच्या महिला आघाडीच्या राष्ट्रीय उपाध्यक्षा सौ. शिवशंभूप्रिया जांभळे यांनी केली आहे.
प्रसिद्धीपत्रकात त्यांनी म्हटले आहे की, मुख्य प्रवाहातील प्रसारमाध्यमांनी राजकीय घडामोडींइतकेच महत्त्व जनहिताच्या प्रश्नांनाही द्यावे. अशा आंदोलनांबाबत व्यापक जनजागृती झाली, तर सरकारलाही या विषयाची गांभीर्याने दखल घ्यावी लागेल
.सौ. जांभळे यांनी असेही नमूद केले की, सोशल मीडियावर या आंदोलनाबाबत चर्चा होत असली तरी नागरिकांनी लोकशाही मार्गाने आपला पाठिंबा व्यक्त करणे आवश्यक आहे.
आंदोलनकर्त्यांच्या प्रकृतीबाबत व्यक्त होत असलेल्या चिंतेच्या पार्श्वभूमीवर सरकारने तातडीने संवाद साधून सकारात्मक तोडगा काढावा, अशी त्यांनी मागणी केली.
केंद्रीय शिक्षण व्यवस्थेतील त्रुटी, परीक्षा प्रक्रियेतील कथित अनियमितता आणि विद्यार्थ्यांसमोरील वाढत्या अडचणींबाबत सरकारने ठोस पावले उचलावीत, असेही त्यांनी म्हटले आहे.
आंतरराष्ट्रीय स्वाभिमानी महासंघाने या आंदोलनाला सुरुवातीपासून नैतिक पाठिंबा दिला असून, विद्यार्थ्यांच्या हितासाठी आणि शिक्षण व्यवस्थेतील आवश्यक सुधारणांसाठी संघटना पुढेही लोकशाही मार्गाने आवाज उठवत राहील, असे प्रसिद्धीपत्रकात नमूद करण्यात आले आहे.
केंद्र सरकारने आंदोलनकर्त्यांच्या आरोग्याची काळजी घेऊन संवादाद्वारे लवकरात लवकर मार्ग काढावा, अशी मागणी करत सौ. शिवशंभूप्रिया जांभळे यांनी जनहिताच्या प्रश्नांवर संवेदनशील भूमिका घेण्याचे आवाहन केले आहे.
