भव्य ऐतिहासिक राजा शिवाजी चित्रपट 1मे ला प्रदर्शित होणार
मुंबई (प्रतिनिधी )अभिनेता रितेश देशमुख दिग्दर्शित राजा शिवाजी हा छत्रपती शिवाजी महाराज यांच्या जीवनावर आधारीत ऐतिहासिक चित्रपट येत्या 1 मे 2026 रोजी प्रदर्शित होणार आहे
. या चित्रपटाचा टीझर रिलीज झाला आहे. अंगावर शहारा आणणारा टीझर आहे. या चित्रपटात अनेक दिग्गज अभिनेत्यांची भूमिका असणार आहे.
मराठा साम्राज्याचे संस्थापक म्हणून छत्रपती शिवाजी महाराज यांच्या कार्याचा आढावा या चित्रपटात गेण्यात आला आहे. चित्रपटाची निर्मिती जेनेलिया देशमुख आणि ज्योती देशपांडे यांनी केली आहे.
दिग्गज कलाकारांची ‘राजा शिवाजी’ सिनेमात मांदियाळी:-
संजय दत्त, अभिषेक बच्चन, महेश मांजरेकर, सचिन खेडेकर, भाग्यश्री, फरदीन खान, जितेंद्र जोशी, अमोल गुप्ते, विद्या बालन अशा दिग्गज कलाकारांची ‘राजा शिवाजी’ सिनेमात मांदियाळी आहे. रितेश देशमुख यामध्ये छत्रपती शिवाजी महाराजांची भूमिका साकारणार आहे. याचा पहिला लूक पाहून नेटकरी थक्क झाले आहेत. टीझरमध्ये रितेशला महाराजांच्या भूमिकेत पाहिल्यावर प्रेक्षक एकच जल्लोष करताना दिसत आहेत. तर, त्याची पत्नी जिनिलीया देशमुख या सिनेमात सईबाईंच्या भूमिकेत झळकणार आहे.
जिओ स्टुडिओज प्रस्तुत आणि मुंबई फिल्म कंपनी निर्मित हा चित्रपट मराठी आणि हिंदी अशा दोन्ही भाषांमध्ये प्रदर्शित होणार आहे. अभिनेता-दिग्दर्शक रितेश देशमुख या चित्रपटात छत्रपती शिवाजी महाराजांची भूमिका साकारत असून पोस्टरमधील त्यांचा लूक चर्चेत आला आहे.
स्वराज्य लढ्याची गाथा उलगडणार
राजा शिवाजी या चित्रपटात छत्रपती शिवाजी महाराजांच्या शौर्य, त्याग आणि दूरदृष्टीचा गौरव करणारा सिनेमॅटिक अनुभव देणार असल्याचा दावा निर्मात्यांनी केला आहे. अन्यायाविरुद्ध उभ्या राहिलेल्या स्वराज्याच्या लढ्याची गाथा या चित्रपटातून प्रभावीपणे मांडली जाणार आहे.
चित्रपटाच्या संगीताची जबाबदारी प्रसिद्ध संगीतकार जोडी Ajay-Atul यांच्याकडे आहे, तर नामांकित छायाचित्रकार Santosh Sivan या चित्रपटाद्वारे मराठी चित्रपटसृष्टीत पदार्पण करत आहेत. त्यामुळे चित्रपटाच्या दृश्य आणि श्राव्य मांडणीबाबत उत्सुकता वाढली आहे.
कधी होणार प्रदर्शित ?
ज्योती देशपांडे आणि जेनेलिया डिसूझा निर्मित, रितेश देशमुख दिग्दर्शित ‘राजा शिवाजी’ हा चित्रपट 1 मे 2026 रोजी, म्हणजेच महाराष्ट्र दिनी, जगभर प्रदर्शित होणार आहे.
ऐतिहासिक पार्श्वभूमी, दमदार स्टारकास्ट आणि भव्य मांडणीमुळे हा चित्रपट बॉक्स ऑफिसवर मोठी कामगिरी करेल, अशी अपेक्षा व्यक्त केली जात आहे
.#राजा_शिवाजी #RajaShivaji #RiteishDeshmukh #ChhatrapatiShivajiMaharaj#मराठीसिनेमा #MarathiCinema #HistoricalMovie #EpicCinema#ShivajiMaharaj #स्वराज्य #MarathaEmpire #MaharashtraDay#1मे2026 #MovieRelease #Bollywood #MarathiFilmIndustry#AjayAtul #SantoshSivan #GeneliaDeshmukh#संघर्षयोद्धा #NewsUpdate #मराठीबातम्या #TrendingNow
