हर घर झेंडा अभियानासाठी अकलूज नगरपरिषद च्या वतीने झेंडे उपलब्ध होणार.30जुलै पर्यंत आगाऊ बुकिंग करण्याचे आवाहन.
अकलूज (प्रतिनिधी )भारतीय स्वातंत्र्याचा अमृतमहोत्सव पूर्ण होत असल्याच्या पार्श्वभूमीवर, जनतेच्या मनात स्वातंत्र्य लढ्याच्या स्मृती तेवत रहाव्यात, स्वातंत्र्य संग्रामातील अज्ञात नायक / क्रांतीकारक / स्वातंत्र्य संग्रामात घडलेल्या विविध घटना यांचे स्मरण व्हावे, तसेच स्वातंत्र्यासाठी चेतवलेले स्फुल्लिंग कायम तेवत रहावे व देशभक्तीची जाज्वल्य भावना कायमस्वरुपी जनमानसात राहावी, या उद्देशाने या दैदिप्यमान इतिहासाचे अभिमानपूर्वक संस्मरण करण्यासाठी दिनांक १३ ऑगस्ट २०२२ ते १५ ऑगस्ट २०२२ या कालावधीसाठी “हर घर तिरंगा” हा उपक्रम संपूर्ण भारतात राबविण्यात येणार आहे.अकलूजमध्ये देखील 14ऑगस्ट रोजी न भूतो, न भविष्यती असा कार्यक्रम होणार.हर घर झेंडा हा उपक्रम राबविण्यात येणार असून, अकलूज नगरपरिषद च्या वतीने झेंडे उपलब्ध करून देण्यात येणार आहेत.परिसरातील सामाजिक संस्था, ग्रामपंचायत, इतर संस्था, नागरिक यांनी 30जुलै पर्यंत आपल्याला हवे असलेल्या झेंड्याची कॉन्टिटी तसेच आगाऊ रक्कम जमा करावी. नगरपरिषद च्या वतीने ना नफा, ना तोटा या धर्तीवर नाममात्र किमतीत (प्रत्येकी 30रुपये )झेंडे उपलब्ध करून देण्यात येणार आहेत.परिसरातील नागरिकांना झेंडे घेण्यास अडचण येऊ नये.म्हणून ही सोय उपलब्ध करण्यात आल्याची माहिती अकलूज नगरपरिषद चे मुख्याधिकारी दयानंद गोरे यांनी दिली.
