भूमीगत एक क्रांती मराठी चित्रपटाचे चित्रीकरण माळशिरस शहर आणि परिसरामध्ये संपन्न
अकलूज (प्रतिनीधी : )माळशिरस हे सोलापूर जिल्ह्यातील तालूक्याचे ठिकाण, मुळचे याच गावचे परंतु सध्या पुण्यात वास्तव्यास असलेले उमेश जगताप यांनी तालूक्यातील ग्रामीण भागातील नवोदित कलाकारांना संधी देऊन याच भूमीत भूमीगत एक क्रांती मराठी चित्रपटाचे चित्रीकरण माळशिरस शहर आणि परिसरामध्ये केले आहे. तालूक्यातील ग्रामीण भागातील नवोदित कलाकारांना संधी देऊन याच भूमीत चित्रपटाचे चित्रीकरण करुन मुळ गावाचे त्रण फेडण्याचा प्रयत्न करत असल्याचे “ भूमीगत एक क्रांती चित्रपटाचे निर्माता दिग्दर्शक अशी धुरा सांभाळणारे उमेश जगताप यानी प्रसार माध्यमाशी बोलताना सागीतले. मराठवाडा मुक्‍ती संग्राम या ऐतिहासिक घटनेवर आधारित या चित्रपटामधून मराठवाडा मुक्तीसंग्रामात ज्यांनी आपले अनमोल योगदान दिले.अश्या भूमीगत क्रांती कारकाचा जीवनपट उलगडण्याचा प्रयत्न केला असून,रझाकाराच्या अत्याचाराना त्यावेळी होणारा कडवा विरोध,संघर्ष ,बलिदान या सर्व गोष्टीचा अत्यंत बारकाईने अभ्यास करून या कथानकाची मांडणी करण्यात आली असून, या कथेची मुळ संकल्पना विवेक सौताडेकर यांची असून पटकथा संवाद स्वतः उमेश जगताप यांनीच लिहीले आहेत. संजय खापरे,प्राजक्ता गायकवाड,सुनंदा शेंडे,विशाखा,शाम सावजी या दिग्गज कलाकारासोबत महेंद्र भांगे,.शशिकांत ठोसर याच्यासह स्थानिक कलावंत विजय बोकफोडे,अँड.अविनाश काले,अमीर शेख,तानाजी बोकफोडे,अशोक जाधव आणि बऱ्याच कळावंताना संधी मिळाली असून प्रसिध्द लावणी नृत्यागना मृणाल कुलकर्णी हिच्यावर लावणी चित्रीत करण्यात आली आहे.चित्रपटाचे सात दिवसाचे चित्रीकरण माळशिरस परिसर आणि नृसिहपूर येथे झाले असून उर्वरित चित्रीकरणास लवकरच कोल्हापूर आणि परिसरात सुरवात होणार असल्याचे उमेश जगताप यांनी सांगितले.तंत्र ज्ञामध्ये छायाचित्रणाची जबाबदारी मिलिंद कोठावळे यांनी सांभाळली असून कला दिग्दर्शन सुमंत कांबळे यांचे आहे.या चित्रपटासाठी मोहन मोरे यांनी लावणी शब्दबध्द केली असून, विनायक चिखलीकर यांनी जात्यावरील ओव्या शब्दबध्द केल्या आहेत. तर या रचना संगीत बध्द केलेय ते प्रशांत महामुनी यांनी. संगीत जगदिश मोहिते यांनी दिले असून या गीताना अश्‍विनी अहिरे यांनी स्वरसाज चढविला आहे. नृत्य दिग्दर्शनाची धुरा विशाल पाटील यांनी सांभाळली आहे सहाय्यक दिग्दर्शक म्हणून सागर लगोटे यांनी काम पाहिले तर कार्यकारी निर्माता म्हणून मोहन मोरे यांनी काम पाहिले आहे.
