टी-20 विश्वचषक 2026 : फायनलमध्ये भारताचा न्यूझीलंडवर दणदणीत विजय, तिसऱ्यांदा विश्वविजेते
अहमदाबाद : आयसीसी पुरुष टी-20 विश्वचषक 2026 च्या अंतिम सामन्यात भारताने न्यूझीलंडवर 96 धावांनी भव्य विजय मिळवत विजेतेपद पटकावले. अहमदाबाद येथील नरेंद्र मोदी स्टेडियममध्ये खेळल्या गेलेल्या या सामन्यात भारताने प्रथम फलंदाजी करत 20 षटकांत 5 बाद 255 धावांचा विक्रमी डोंगर उभारला.
या विशाल लक्ष्याचा पाठलाग करताना न्यूझीलंडचा संपूर्ण संघ 19 षटकांत 159 धावांवर बाद झाला.या विजयासह भारताने टी-20 विश्वचषक इतिहासात तिसरे विजेतेपद पटकावले आणि सलग दुसऱ्यांदा विश्वविजेते बनण्याचा मानही मिळवला.
सॅमसन-अभिषेकची दमदार सुरुवात
न्यूझीलंडने नाणेफेक जिंकून प्रथम गोलंदाजी करण्याचा निर्णय घेतला. मात्र भारतीय सलामीवीरांनी सुरुवातीपासून आक्रमक फलंदाजी करत प्रतिस्पर्धी गोलंदाजांवर तुटून पडले. संजू सॅमसनने 46 चेंडूत 89 धावांची तुफानी खेळी केली. त्याने 5 चौकार आणि 8 षटकार ठोकत भारताला भक्कम पाया मिळवून दिला. त्याला अभिषेक शर्माने 52 धावांची साथ दिली आणि दोघांनी मिळून जवळपास शंभर धावांची भागीदारी उभी केली.
यानंतर ईशान किशननेही 25 चेंडूत 54 धावांची वेगवान खेळी करत धावगती कायम ठेवली. शेवटच्या षटकांत शिवम दुबेने जोरदार फटकेबाजी करत संघाचा डाव 255 धावांपर्यंत नेला, जो टी-20 विश्वचषकाच्या अंतिम सामन्यातील सर्वाधिक धावसंख्या ठरली.
गोलंदाजांनी पूर्ण केला विजयाचा मार्ग256 धावांच्या कठीण लक्ष्याचा पाठलाग करताना न्यूझीलंडची सुरुवात सावध झाली. टिम सायफर्टने 52 धावा करत काही काळ प्रतिकार केला, तर कर्णधार मिचेल सँटनरने 43 धावांची खेळी केली.
मात्र भारतीय गोलंदाजांनी सातत्याने विकेट घेत न्यूझीलंडची घसरगुंडी उडवली.जसप्रीत बुमराहने भेदक गोलंदाजी करत 4 विकेट घेतल्या, तर अक्षर पटेलने 3 विकेट घेत न्यूझीलंडचा डाव 159 धावांवर संपवला. त्यामुळे भारताने 96 धावांनी एकतर्फी विजय मिळवला.
देशभरात जल्लोषभारताच्या या ऐतिहासिक विजयामुळे देशभरातील क्रिकेट चाहत्यांमध्ये आनंदाचे वातावरण निर्माण झाले आहे.
शहरांमध्ये फटाके, मिरवणुका आणि जल्लोष सुरू झाला असून भारतीय संघावर अभिनंदनाचा वर्षाव होत आहे.
या विजयाने भारतीय संघाने पुन्हा एकदा जागतिक क्रिकेटमध्ये आपले वर्चस्व सिद्ध केले आहे.
#TeamIndia #IndiaWins #T20WorldCup #WorldCupFinal #Champions #IndiaVsNewZealand #WorldCupChampions #IndianCricket #CricketFever #ProudMomentForIndia #भारतविजयी #टीमइंडिया #विश्वचषकविजेते #भारतीयक्रिकेट #भारताचा_दणदणीत_विजय 🇮🇳🏆
