आमदार कैलास पाटील यांची मराठा वनवास यात्रेचे आयोजक योगेश केदार यांच्या घरी सदिच्छा भेट.
अकलूज (प्रतिनिधी )मराठा समाजाचे निष्ठावंत आमदार कैलास दादा पाटील यांनी 26ऑगस्ट रोजी मराठा वनवास यात्रेचे आयोजक योगेश केदार यांच्या सलगरा येथील घरी सदिच्छा भेट दिली. गावकऱ्यांनी त्यांचा अन् केदार यांचा देखील सत्कार केला.
मागच्या विधानसभा अधिवेशनात त्यांनी ओबीसी मधूनच आरक्षण व मराठा वनवास यात्रा चे कौतुक केले होते. महाराष्ट्राच्या विधानसभेच्या इतिहासात पहिल्यांदा ओबीसी मधूनच मराठ्यांना आरक्षण याचा उल्लेख त्यांनी केला. त्याबद्दल तमाम मराठा समाजाने त्यांचे कौतुक केले.
यावेळी बोलताना केदार यांनी येत्या निवडणुकीत घरातल्या भाकरी खाऊन मराठा समाज कैलास दादा पाटील यांचा प्रचार करेल. अशी ग्वाही त्यांना दिली. कारण त्यांनी समाजाची खरी मागणी लावून धरली.ते पुढे बोलताना म्हणाले की,जो नेता आणि पक्ष ओबीसी मधूनच आरक्षण अशी भूमिका घेईल त्यालाच मराठा समाज मतदान करेल. जो पक्ष आणि नेता आपल्या मागणीला समर्थन न देता विरोध करेल त्याला येत्या निवडणुकीत पाडण्याची व्यवस्था करेल.
त्याचप्रमाणे येत्या काही दिवसांत सर्वपक्षीय आमदारांच्या घरावर मतदान बहिष्कार मोर्चे काढले जाणार आहेत. ज्यांनी ओबीसी आरक्षण मागणी बाबत विधानसभेत भूमिका घेतली नाही त्यांच्या घरावर हे मोर्चे काढले जातील. धाराशिव जिल्ह्यातील उमरगा चे आमदार यांच्या घरावर पहिला बहिष्कार मोर्चा काढला जाणार आहे.त्यांनतर महाराष्ट्र राज्यातील इतर तालुक्यातील आमदार यांचे घरावर मोर्चा काढणार असल्याचे त्यांनी आवर्जून सांगितले.
