अकलूज येथे भव्य आट्यापाट्या स्पर्धेचे आयोजन.
अकलूज ( प्रतिनिधी) प्रताप क्रीडा मंडळ शंकरनगर अकलूज यांच्या वतीने रविवार दिनांक २० ऑगस्ट २०२३ रोजी विजयसिंह मोहिते पाटील क्रीडा संकुल अकलूज येथे भव्य आट्यापाट्या स्पर्धेचे आयोजन केले असल्याची माहिती प्रताप क्रीडा मंडळाच्या अध्यक्षा मा. कु. स्वरुपाराणी मोहिते पाटील यांनी दिली. प्रताप क्रीडा मंडळाचे संस्थापक अध्यक्ष मा. श्री. जयसिंह मोहिते पाटील यांच्या मार्गदर्शनाखाली प्रताप क्रीडा मंडळाने कला, क्रीडा, सांस्कृतिक व सामाजिक क्षेत्रात राज्य व राष्ट्रीय पातळीवर उल्लेखनीय कामगिरी केली आहे. मंडळांने आजपर्यंत विविध खेळात अनेक राज्य व राष्ट्रीय पातळीवरील चमकणारे खेळाडू , कलाकार निर्माण केले आहेत. शिक्षण प्रसारक मंडळाचे अध्यक्ष मा. श्री. संग्रामसिंह मोहिते पाटील यांच्या सहकार्याने ग्रामीण खेळाला प्रोत्साहन मिळावे याकरिता सदरच्या स्पर्धेचे आयोजन केले आहे .खुल्या गटासाठी असणार्या या स्पर्धेकरीता प्रथम क्रमांकासाठी रोख रुपये ४४ हजार व चषक, द्वितीय क्रमांक साठी रोख रुपये ३३ हजार, तृतीय क्रमांकासाठी रोख रुपये २२ हजार, चतुर्थ क्रमांक साठी रोख रुपये ११हजार , त्याचबरोबर उपांत्यपूर्व फेरीत पराजित होणाऱ्या चारही संघांना प्रत्येकी रोख ५ हजार रुपये अशी बक्षीसे आहेत. एकूण रोख रुपये १ लाख ३० हजार रुपयाची भव्य बक्षिसे स्पर्धेसाठी ठेवण्यात आली आहेत. सदरची स्पर्धा सकाळी १० ते रात्री ८ या वेळेत होणार असून प्रत्येक संघास प्रवेश फी रुपये ५००/- आहे. स्पर्धेचे लाॅट उपस्थित संघामधूनच स्पर्धेदिवशी सकाळी ९-३० वाजता मैदानावर टाकले जाणार असून दोन मैदानावर हे सामने होणार आहेत. खेळाडूंच्या भोजनाची व्यवस्था मंडळामार्फत करण्यात आली आहे. स्पर्धेत नाव नोंदणीसाठी 9860331717 / 9325252996 / 9420782323 या क्रमांकावर संपर्क करण्याचे आवाहन मंडळाचे सचिव मा. श्री. पोपटराव भोसले पाटील यांनी केले आहे. स्पर्धेसाठी सुमारे ५० संघ सहभागी होतील. या स्पर्धेसाठी पूर्व नियोजना करता विविध कमिट्यातून मंडळाचे सर्व संचालक, सदस्य कार्यरत आहेत.
*प्रताप क्रीडा मंडळ, शंकरनगर-अकलूज**फेसबुक लिंक*https://www.facebook.com/pkmshankarnagarakluj*फेसबुक पेज लिंक*https://www.facebook.com/profile.php?id=100063730576809*इंस्टाग्राम लिंक*https://instagram.com/pkmakluj1976?utm_medium=copy_link*Youtube चॅनेल*https://youtube.com/@PKMShankarnagarAkluj🤺⛹🏻♂️⛹🏼♀️🤼♂️🤼♀️🤾♀️🤾♀️🏂⛷️*सर्व बंधू भगिनींना कळविण्यात येते की, प्रताप क्रीडा मंडळ, शंकरनगर अकलूजच्या अधिकृत facebook, Instagram Account ला facebook पेज ला सर्वांनी follow करावे.तसेच Youtube चॅनेल ला subscribe करावे व मंडळाच्या वतीने राबविण्यात येणारे विविध कार्यक्रम व उपक्रम यांच्या पोस्ट्स व लिंक आपले मित्र,स्नेही, नातेवाईक यांना share कराव्यात व त्यांनाही मंडळाच्या Instagram, Facebook, Youtube ला ऍड करावे.*🤾♀️🤾♀️🤺🤺⛹🏼♀️⛹🏻♂️🤼♂️
