गारवाड झाले वृक्षाच्छादित श्री नानासाहेब धर्माधिकारी प्रतिष्ठानचा उपक्रम वृक्षारोपण व वृक्षसंवर्धनगत पाच वर्षात सुमारे 2700 झाडे लावून केले संवर्धन
अकलूज (गणेश जाधव ) :वृक्ष वल्ली आम्हां सोयरीं वनचरें ।पक्षी ही सुस्वरें आळविती ।।हा अभंग तुकाराम महाराज यांचा आहे.महाराजांनी वृक्ष वल्ली यांच्या पासून आपल्याला खुप फायदे आहेत, म्हणून तेच आपले सगे सोयरे आहेत ही महाराजांची धारणा आहे. वनातील पशु – पक्षी हे सुध्दा पांडुरंग विठ्ठलाचे नाम स्मरण करीत आहे, असे अभंगातुन सांगत आहे. आपले या वनाशी खर तर नातंच आहे.
अगदी हेच ब्रिद मनी बाळगून श्री नानासाहेब धर्माधिकारी प्रतिष्ठान रेवदंडा यांच्या वतीने गारवाड (तालुका माळशिरस ) हे गाव दत्तक घेऊन सन 2019 साली सुमारे 2700 वृक्षांचे वृक्षारोपण करण्यात आले होते. माळशिरस तालुक्यातील श्री बैठकीतील सदस्यांनी वृक्षारोपणा बरोबरच वृक्ष संवर्धनाचे काम करीत आहेत. त्यामुळे दुष्काळग्रस्त असलेले हे गाव हे गाव आज हिरवाईने नटलेले दिसत आहे
.याबाबत सविस्तर माहिती अशी की,रायगड जिल्ह्यातील अलिबाग तालुक्यातील रेवदंडा येथील नानासाहेब धर्माधिकारी प्रतिष्ठान यांच्या वतीने माळशिरस तालुक्यातील अकलूज, माळशिरस,नेवरे, श्रीपूर, बोरगाव,करुळे, चाकोरे,व गारवाड येथील श्री समर्थ बैठकी च्या वतीने गारवाड हे गाव 2019मध्ये दत्तक घेतले.तेव्हापासून या गावातील सुबाभूळ, काटेरी झुडपे काढून परिसरातील श्री सदस्यांच्या सहकार्यने काढून टाकण्यात आली
.तेव्हपासून ते आजतागायात गावातील मुख्य रस्ते,तसेच अंतर्गत रस्त्यांच्या दूतर्फा जंगली झाडे,लिंब, चिंच,पिंपळ, वड,करंज, सीताफळ,तसेच इतर प्रकारची झाडे लावण्यात आली.त्याचप्रमाणे या गावातील स्मशानभूमी व 25एकर चे गावठाण मध्ये जवळपास 2700झाडांचे वृक्षारोपण करण्यात आले.एव्हढया वरच न थांबता लावलेल्या झाडांचे वृक्ष संवर्धन देखील केले जाते.आठवड्यातील प्रत्येक शनिवारी माळशिरस तालुक्यातील श्री सदस्य गारवाड या ठिकाणी एकत्रित जमतात.येथे येऊन लावलेल्या वृक्षाची निगा राखणे, आळी करणे,आजूबाजूला उगवलेले गवत काढणे,खतपाणी घालणे,औषध मारणे, झाडांना पाणी देणे इत्यादी कामे केली जातात.एव्हढयावरच न थांबता गावाच्या शेजारून वाहत असलेल्या ओढ्यावर 5वनराई बंधारे देखील श्रमदानातून बांधले आहेत.त्यामुळे गावातील 3ते 4 विहिरीचे पुनर्भरण होऊन गावाच्या सांडपाण्याचा प्रश्न देखील मिटला आहे.व जनावरांची छावणी देखील बंद झाली आहे.
गारवाड परिसरात लावलेल्या झाडांना पाणी देण्यासाठी श्री सदस्यांच्या मालकीच्या 1टँकर,1जीप व 3छोटा हत्ती या वाहनाचा वापर केला जातो.सध्या वृक्षारोपण केलेल्या झाडांची उंची 3फुटापासून ते 20फुटापर्यंत वाढली आहे.अद्याप प्रत्येक शनिवारी नव्याने झाडे लावली जातात.या सर्व श्री समर्थ कार्यासाठी जवळपास 250श्री समर्थ स्वयंनसेवक उत्स्फूर्तपणे या कार्यात भाग घेऊन सेवा करतात.
चौकट :-
*श्रमदानातून बांधलेल्या वनराई बंधाऱ्याचे खोलीकरण गरजेचे.**लोकप्रतिनिधीनी पुढाकार घ्यावा.*
गारवाड गावाच्या शेजारून वाहत असलेल्या ओढ्यावर श्री सदस्यांनी श्रमदानातून 5वनराई बंधारे बांधले आहेत.या उपक्रमामुळे पाणी साठवण क्षमता वाढली. तसेच पडीक जमीन वाहिवाटीखाली येण्यास मदत झाली गावकऱ्याचा पाणी प्रश्न मिटला आहे.परंतु या बंधाऱ्याचे खोलीकरण न झाल्यामुळे पाणी साठवण क्षमता कमी झाली . या ओढ्यातील गाळ काढणे, खोलीकरण करणे गरजेचे आहे.माढा मतदार संघाचे विद्यमान खासदार रणजितसिंह निंबाळकर, विधानपरिषद चे आमदार रणजितसिंह मोहिते पाटील, माळशिरस विधानसभा चे आमदार राम सातपुते यांनी पुढाकार घेऊन जर या बंधाऱ्याचे खोलीकरण करून दिले तर पाणी साठवण क्षमता वाढेल. आणि हा दुष्काळी भाग पाणीदार होईल.
