*माळशिरस येथे अहम या मराठी चित्रपटाच्या पोस्टरचे शानदार उदघाटन.*
संग्रामनगर दि.१८ (संजय लोहकरे यांजकडून)माळशिरस येथे उम्मीद फिल्म प्रोडक्शन निर्मित आणि निर्माता योगेश सुखदेव घोलप व विघ्नहर्ता मल्टीस्टेट को-ऑप क्रेडिट सोसायटी लिमिटेड यांची निर्मिती असलेला ‘अहम’ या मराठी चित्रपटाच्या पोस्टर प्रदर्शनचा कार्यक्रम मोठ्या धुमधडाक्यात व उत्साहात करण्यात आले. असिफ अब्दुलभाई तांबोळी यांच्या दिग्दर्शनाखाली बनलेला ॲक्शन कॉमेडी लव आणि साउथ थीम असलेला मराठी चित्रपट १२ मे रोजी संपूर्ण महाराष्ट्रभर रिलीज होत आहे. माळशिरससारख्या ग्रामीण भागात तयार झालेला चित्रपट मेमध्ये रिलीज होत आहे.विविध क्षेत्रातील मान्यवर उपस्थित राहून या चित्रपटाबद्दल चित्रपट सुपरहिट होवो अशी आशा मान्यवरांनी व्यक्त केली आणि माळशिरस बरोबर सोलापूर जिल्ह्याचे नाव संपूर्ण महाराष्ट्रभर गाजवेल अशी प्रतिक्रिया मान्यवरांनी आपल्या मनोगतातून व्यक्त केली. या कार्यक्रमासाठी या चित्रपटातील संपूर्ण कलाकार उपस्थित होते.या चित्रपटाचे मुख्य कलाकार प्रमुख भूमिकेतील अमीर शेख,सिने अभिनेत्री मृणाल कुलकर्णी,डॉ.विकास सावंत, सुनील माने,मनोहर सुतार,डॉ.प्रज्ञा सूर्यवंशी,पांडुरंग शिंदे,विजय बोकफडे,भारत गायकवाड,नवनाथ गायकवाड, चंद्रशेखर डिसले,जगन्नाथ घाडगे,गणेश काटू,छाया आदट,तानाजी बोकफडे,संपत पवार,मोहन पवार,अभिषेक बोकफडे,सुधीर गिरी,सुरज मोरे,लाला सिद,रियाज शेख,शौकत तांबोळी,राणी राजापुरे,स्नेहा पाटील,राजापुरे पाटील,बाल कलाकार श्रेय वाडेकर इत्यादी कलाकार बरोबर सह-दिग्दर्शक रशीद आतार डीओपी विनोद बोडके,लोकेशन मॅनेजर विलास वामन त्याचबरोबर नगरसेवक व ग्रामस्थ यांच्या उपस्थितीत हा पोस्ट लॉन्चिंगचा कार्यक्रम पार पडला. या कार्यक्रमाला अचानक मेघराजाने (पावसाने)सुद्धा उपस्थिती दाखवली.त्यामुळे लोकांची अचानक आलेल्या पावसामुळे थोडी तारांबळ उडाली आणि नंतर कार्यक्रम सुरळीत चालू झाला आणि पोस्टर लॉन्चिंगचा कार्यक्रम सुरळीत पार पडला.
