काळी हळद देतो म्हणत मुंबई च्या व्यापाऱ्याला 65लाखांचा गंडा. अकलूज पोलीस ठाणेत गुन्हा दाखल सहा आरोपी अटकेत, एक आरोपी अकलूजचा
अकलूज (प्रतिनिधी )अकलुज शहरामध्ये काही लोक काळी हळदीमुळे चुंबकीय क्षेत्र निर्माण होवून त्याच्या प्रभावाने बरेच कृत्य करता येतात असे भासवून तसेच सदर वस्तूची आंतरराष्ट्रीय बाजारामध्ये मोठी किंमत मिळते अशी बतावणी करुन व्यापारी लक्ष्मण धनजी सेंगानी (वय 73वर्षे )व्यवसाय -कन्ट्रक्शन,राहणार -नीलकंठ शॉपींग सेंटर, दुसरा मजला नौरोजी लेन एम जी रोड, घाटकोपर मुंबई याचेकडून वेळोवेळी रक्कम ६४, ४५,०००/- रुपये घेवून त्याची फसवणूक केल्याची फिर्याद तक्रारदाराने दिल्याने गु.र.नं. १५१/२०२३ भादविसंक ४२०, ३४ प्रमाणे दाखल झालेला असून, फसवणुक करणारे आरोपी काशीनाथ लडकु पाटील रा. जांभीवली पोस्ट दाभाड ता. भिवंडी जि. ठाणे, योगेश दादा दावले रा. शिक्षक कॉलनी संग्रामनगर,अकलुज ता. माळशिरस, जि. सोलापूर, हेमंत किसन काटे वय ४२ वर्षे रा. शेटटी व्हिला साई मंदीराचे पाठीमागे, साईदर्शन नगर दत्तवाडी, आकुर्डी पुणे अतुल मधुकर ताम्हाणे वय ७१ वर्षे रा. ५०४ हिरा आर्केड स्टेशन रोड, कळवा ठाणे, अवधुत केशव शाबासकर वय ५३ वर्षे रा. एकनाथ वीर चाळ जेपी सोसायटी संजयनगर मुंब्रा ठाणे, मच्छिंद्र हनुमंत डोंगरे वय ५० वर्षे रा. ७०२, कोहीनुर, कॅस्टल, अंबरनाथ वेस्ट, कल्याण यांना अटक करण्यात आली असून,त्यांचेकडील गुन्हयात वापरलेले स्वीप्ट कार क्रमांक एम एच ०४ एफ ए ५११६, टोयाटो ईनिव्हा क्रमांक एम एच ०२ डी एस ०८११ व काळी हळद सदृष्य पदार्थ, अॅन्टीरेडीएशन स्प्रे व अॅन्टीरेडीएशन किट आणि अॅन्टीरेडीएशन बॉक्स अशा भासवलेल्या वस्तु व तपासणी सिलेंडर इत्यादी साहित्य हस्तगत करण्यात आलेले आहे.सदरची कामगिरी सोलापूर ग्रामीण जिल्हा पोलीस अधीक्षक शिरीष सरदेशपांडे, हिम्मत जाधव अपर पोलीस अधिक्षक, उपविभागीय पोलीस अधिकारी, अकलुज विभाग अकलुज डॉ.बसवराज शिवपूजे यांचे मार्गदर्शनाखाली पोलीस निरीक्षक दिपरतन गायकवाड,पो.हे कॉ ,सुहास क्षिरसागर, रामचंद्र चौधरी, विक्रम घाटगे, शिवकुमार मदभावी, चालक विराज नागरगोजे, अजित कडाळे, श्रीकांत निकम यांनी कामगिरी केली आहे. सदर गुन्हयाचा तपास पोलीस निरीक्षक दिपरतन गायकवाड हे करीत आहेत.
