पाटस टोल नाक्यावर अकलूज येथील खाजगी प्रवासी वाहतूक करणारी मिनी बस टँकरला धडकली.अकलूज येथील 14प्रवासी जखमी.
अकलूज (प्रतिनिधी )पुणे-सोलापूर राष्ट्रीय महामार्गावर पाटस येथील टोल प्लाझा नाक्यावर टोलची पावती आकारत उभ्या असलेल्या टँकरला पाठीमागून भरधाव वेगाने आलेल्याअकलूज येथील खाजगी प्रवासी वाहतूक करणाऱ्या मिनी ट्रॅव्हल बसने जोरदार धडक दिली. या अपघातात बसमधील १४ प्रवासी जखमी झाले आहेत.याबाबत मिळालेली प्राथमिक माहिती अशी की, पुणे – सोलापूर राष्ट्रीय महामार्गावरील पाटस येथील टोलनाक्यावर शुक्रवारी (दि ३) सकाळी आठ साडेआठ वाजण्याच्या आसपास सोलापूर कडून पुणे ला जाणाऱ्या टोल नाक्याच्या लेनवर टोल पावती देण्यासाठी उभा असलेल्या टँकरला सोलापूर बाजूकडून भरधाव वेगाने येत असलेल्या मिनी बसने धडक दिली.या बसचा ब्रेक नादुरुस्त झाल्याने ही दुर्घटना घडली. या अपघातात वाहनचालक सचिन दिनेश कांबळे (वय 30 रा. अकलूज ता. माळशिरस जि. सोलापूर) हा गंभीर जखमी झाला आहे. तर या बसमधील १३ प्रवासी किरकोळ जखमी झाले आहेत. दरम्यान, या घटनेची माहिती मिळताच यवत पोलीस ठाण्याचे फौजदार प्रशांत मदने, पोलीस नाईक अजित इंगवले, पोलीस शिपाई समीर भालेराव, पोलीस मित्र रमेश चव्हाण आदींनी घटनास्थळी धाव घेतली, या अपघातातील जखमींना परिसरातील रुग्णालयात पुढील उपचारासाठी हलवले.दरम्यान अकलूज, माळेवाडी, माळीनगर, यशवंत नगर, बागेवाडी, सांगोला, संग्रामनगर येथील तवेरा, एर्टिका,17सीटर,30सीटर, मिनी बस, व्यागणर, सुमो, कृजर, ट्रॅक्स, एनीव्हा, स्विफ्ट, झायलो, व इतर अन्य गाड्याअशा सुमारे 50पेक्षाही अधीक गाड्या दररोज अकलूज ते पुणे अशी खाजगी प्रवासी वाहतूक करीत आहेत. एस टी ला केवळ 250₹प्रत्येकी असे प्रवास भाडे आहे. परंतु खाजगी वाहतूक करणारे मात्र प्रत्येकी 350₹प्रवास भाडे आकारणी करीत आहेत. एव्हढेच नव्हे तर ही वाहतूक करणारे अनेक चालक व्यसन करून भरदाव वेगाने वाहन चालवीत असतात. त्यामुळे स्वतःच्या जिवा बरोबरच प्रवास करणाऱ्या प्रवाशांचा देखील जीव धोक्यात घालत आहेत.या खाजगी वाहतुकी मुळे एस. टी. ला देखील आर्थिक फटका बसत आहे.खाजगी वाहतूक करणाऱ्या अनेक चालकांकडे ड्राइविंग लायसन्स देखील नाहीत.या प्रवासी वाहतुकीला नेमका कोणाचा वरदहस्त आहे. कोणत्याही प्रकारची कायदेशीर परवानगी नसताना ही वाहने राजरोस पणे खाजगी प्रवासी वाहतूक करीत आहेत. त्यामुळे याचा फटका एस. टी. ला देखील बसत आहे. तसेच नागरिकांच्या जीवाशी खेळून भरदाव वेगाने वाहने चालविली जात आहेत. त्यामुळे भविष्यात मोठा अनर्थ घडल्यास याला जबाबदार कोण? त्यामुळे संबंधित अधिकारी यांनी अशी बेकायदेशीर खाजगी प्रवासी वाहतूक बंद करावी. अशी मागणी जोर धरू लागली आहे.
