*दुर्लक्षित राहिलेले सिनेअभिनेते,जुन्या काळातील भारदस्त पैलवान श्री.विलास रकटे*
ज्यांनी मराठी चित्रपट सृष्टीचा सुवर्णकाळ तसेच महाराष्ट्राच्या कुस्ती क्षेत्रातला सुवर्णकाळ असे दोन्ही सुवर्णकाळ आपल्या महत्त्वपूर्ण योगदानाने गाजवून सोडलेले असे मराठी चित्रपट सृष्टीतील दमदार व्यक्तिमत्त्व निर्माता, दिग्दर्शक, ज्येष्ठ सिनेअभिनेते, दिग्गज पैलवान असे अष्टपैलू व्यक्ति असलेले श्री.विलासजी रकटे साहेब यांना त्यांच्या घरी भेटण्याचा काल योग आला.मराठी व हिंदी चित्रपटसृष्टीत अनेक गाजलेल्या चित्रपटांमध्ये चरित्र अभिनेता व खलनायकाची त्यांनी भूमिका साकारली आहे, त्यांचे वय वर्ष 85 आहे , तसेच ते अनेक ऐतिहासिक कुस्त्याचे ते साक्षीदार राहिलेले आहेत, जुन्या काळातील अनेक दिग्गज लोकांच्या, पैलवानांच्या, कलाकारांच्या आठवणी त्यांना मुखोद्गत आहेत. महान पैलवान दारासिंग यांच्याशी त्यांचे खूप जिव्हाळ्याचे संबंध होते.एक एक दुर्मिळ आठवण ऐकताना अक्षरशः अंगावर काटे उभे राहिले.कोल्हापूरातील ऐतिहासिक खासबाग मैदानामध्ये त्यांच्या अनेक कुस्त्या झालेल्या आहेत,नगरमध्ये हिंदकेसरी मारुती माने यांच्या सोबत झालेली कुस्ती त्यांनी आवर्जून सांगितली,तसेच दुसरे महाराष्ट्र केसरी भगवानराव मोरे यांच्या समवेत महाराष्ट्र केसरी स्पर्धेमध्ये सहभागी झालेली आठवण तसेच विशेष म्हणजे खासबाग मैदानामध्ये ज्यावेळी कुस्ती असेल त्यावेळी कुस्ती मारल्यानंतर आंघोळ करून ते बाजूलाच असलेल्या केशवराव भोसले नाट्यगृहात नाटकाचे प्रयोग करत असे.आज पर्यंतच्या इतिहासामध्ये खासबाग मध्ये कुस्ती खेळून पुन्हा केशवराव भोसले नाट्यगृहामध्ये नाटक सादर करणारा देशातील एकमेव पैलवान कोण असेल तर ते श्री.विलास रकटे साहेब होय.लहानपणापासून अभिनयाची आवड तसेच क्रांतिकारकांचा जिल्ह्यामधून त्यांच्यावर झालेले संस्कार यामुळे ते अधिक कणखर बनत गेले.आपल्या जिवंत अभिनयाने अनेक प्रेक्षकांचे तसेच कुस्तीने अनेक कुस्ती शौकिनाचे ते चाहते बनले, अनेक ऐतिहासिक गोष्टींची ते साक्षीदार राहिलेले आहेत.या वयात सुद्धा त्यांचा जोश व उत्साह काम करण्याची आवड ,जिद्द ही युवा तरुणांना लाजवेल अशीच आहे.त्यांची महाराष्ट्राचे पहिले मुख्यमंत्री यशवंतराव चव्हाण ,प्रतिसरकार मधील क्रांतिसिंह नाना पाटील व अन्य क्रांतिकारक सहकारी यांच्यावर आधारित *क्रांतीपर्व* या नावाने मराठी चित्रपट निर्माण करण्याचा त्यांचा संकल्प आहे, त्या चित्रपटाची पटकथा गेली अनेक वर्षे तयार आहे तसेच यामध्ये सर्व घटना या सत्य घटनेवर आधारित आहेत.त्यांना महाराष्ट्र शासनातर्फे जुने लोककलावंत म्हणून अवघे 2500 महिना पेन्शन मिळते,ती सुद्धा त्यांना वेळेवर मिळत नाही. या तुट पुंज्या पेन्शनवर सध्याच्या काळात काहीच होत नाही अशी त्यांनी खंत बोलून दाखवली.या वयात वैद्यकीय उपचारासाठी, तसेच घरातील अन्य गोष्टींसाठी शासनाने व दानशूर व्यक्तींनी मदत करावी अशी त्यांच्या घरातील व्यक्तींनी मागणी केलेली आहे.त्यानंतर आम्ही कामेरी गावचे विद्यमान सरपंच श्री.रणजीत पाटील साहेब यांची ग्रामपंचायत मध्ये भेट घेऊन त्यांच्यातर्फे सुद्धा श्री.विलास रकटे हे कामेरीं गावचे भूषण आहेत त्यांचा पूर्ण सांभाळ हा गावातर्फे करणे गरजेचे आहे ,हा मुद्दा त्यांना सांगितला त्यांनी सुद्धा सहमती दर्शवत मदत करण्याचे आश्वासन दिलेल आहे.अशा या दिग्गज कलाकारावर ,पैलवानावर आज खूप हलकीची परिस्थिती ओढवली आहे.अशा सुवर्णकाळ अनुभवलेल्या ज्येष्ठ अभिनेत्याला, पैलवानाला न्याय मिळवून देण्यासाठी आम्ही इथून पुढे प्रयत्न करणार आहोत.या अविस्मरणीय भेटीमध्ये माझ्या समवेत वस्ताद बाबाराजे महाडिक, वस्ताद जयवंत पाटील, श्री.शामराव जाधव सर, श्री.अमित गायकवाड, श्री.झुंजार रकटे, श्री. मुजावर साहेब इत्यादी उपस्थित होतो. यावेळी वस्ताद जयवंत पाटील यांच्या हस्ते ज्येष्ठ अभिनेते विलासजी रकटे साहेब यांना पुस्तक तसेच इंस्टंट थंडाई भेट देण्यात आले.
धन्यवाद..🙏💐पैलवान संग्राम कांबळे.✒️✨
