*निमगाव येथील कै. हनुमंत वाघमारे कुटुंबासाठी दु:खातून आनंदाचा क्षण.*
संग्रामनगर दि.६ (केदार लोहकरे यांजकडून)निमगाव विद्यामंदिर निमगाव येथील मुख्याध्यापक हनुमंत वाघमारे सर यांचे ह्रदयविकाराच्या झटक्याने दु:खद निधन झाले आहे.ते आपल्या सोलापूर जिल्हा माध्यमिक शिक्षक सेवक सहकारी पतसंस्था बाळे या पतसंस्थेचे सभासद होते.या सोसायटीमध्ये संजीवनी ठेव योजनेच्या माध्यमातून कै. वाघमारे सरांच्या वारसांना आज दहा लाख रुपयांचा चेक शिक्षण प्रसारक मंडळ अकलूजचे मार्गदर्शक संचालक जयसिंह मोहिते पाटील यांच्या हस्ते देण्यात आला. पतसंस्थेचे मार्गदर्शक माजी आमदार दत्तात्रय सावंत सर यांच्या कल्पनेतून आलेल्या संजीवनी ठेव योजनेचा लाभ जिल्ह्यातील अनेक लोकांना झाला आहे.गेलेला माणूस माघारी येऊ शकत नाही परंतु आपल्या पत संस्थेमार्फत त्यांच्या कुटुंबावर येणाऱ्या आर्थिक संकटातून बाहेर काढले जाते. महाराष्ट्रत एकमेव पतसंस्था आहे जी सभासदांच्या अकस्मात निधनानंतर दहा लाख रूपये वरासांना देते. समाजातील सर्व स्तरातून या संजीवनी ठेव योजनेचे व माजी आमदार सावंत सरांचे अभिनंदन केले जात आहे.यानिमित्ताने पतसंस्थेचे चेअरमन समाधान घाडगे,निमगाव शाळेचे अध्यक्ष इनामदार सर,संचालक बिभीषण जाधव,तात्यासाहेब काटकर,मार्गदर्शक समाधान दुधाट सर,आसबे सर,सुरवसे सर यांच्या प्रयत्नातून वाघमारे कुटुंबासाठी दु:खातून आनंदाचा क्षण आला आहे.
