बार्शी येथील सत्र न्यायालयाच्या आवारातून बनावट चलनी नोटा प्रकरणी अटकेत असलेला आरोपी बेडीसहित पळाला
बार्शी (प्रतिनिधी )माढा तालुक्यातील टेंभुर्णी पोलिसांनी बनावट चलनी नोटा प्रकरणी अटक केलेल्या सिद्धेश्वर केचे याला सुनावणीसाठी बार्शी येथील सत्र न्यायालयात आणले असता आरोपीने हातातील बेडी सहित चक्क न्यायालयातून पळून जाण्याचा प्रकार गुरुवारी 19जानेवारी रोजी भर दुपारी घडला आहे. बनावट चलनी नोटा प्रकरणी आरोपी हा सोलापूर कारागृहात होता. गुरुवारी दुपारी सुनावणीसाठी त्याला बार्शी येथील सत्र न्यायालयात आणले गेले होते. मात्र, दुपारी 3 च्या दरम्यान, त्याने पोलिसांना चकवा देऊन पळ काढला आहे. त्यामुळे आरोपीच्या मागावर पोलीस अधिकारी असले तरी तो अद्याप सापडला नाही.सदर आरोपीवर टेंभूर्णी पोलीस ठाण्यात काही दिवसांपूर्वी गुन्हा दाखल झाला होता.माढा तालुक्यातील सिना दारफळ येथे बनावट चलनी नोटा प्रकरणी सिध्देश्वर केचे याला टेंभूर्णी पोलिसांनी अटक केली होती. कारवाईनंतर केचे याची रवानगी सोलापूर येथील कारागृहात करण्यात आली होती. सोलापूर कंट्रोल ने कळवलेल्या माहितीनुसार बार्शी कोर्ट आवारातून सिद्धेश्वर केचे हा आरोपी पांढऱ्या रंगाचा शर्ट व काळ्या रंगाचे फुल भाई चा शर्ट व डाव्या हातात हातकडी घातलेली आहे. हा आरोपी पळून गेलेला आहे..या पार्श्वभूमीवर अकलूज पोलीस ठाणे हद्दीत तत्काळ नाकाबंदी करण्यात आली असून चारचाकी तसेच दुचाकी वाहने तपासणी सुरु आहे.
