सुरज मस्के यांची राज्यपाल नियुक्त विद्यापीठ सिनेट सदस्यपदी निवड
संग्रामनगर दि.१० (केदार लोहकरे यांजकडून) अकलूज येथील भारतीय जनता पार्टी माळशिरस तालुक्याचे सरचिटणीस सुरज ज्ञानोबा मस्के यांची राज्यपाल नियुक्त सोलापूर विद्यापीठ सिनेट सदस्य पदी निवड झाली आहे. अखिल भारतीय विद्यार्थी परिषदेच्या माध्यमातून गेली दहा वर्षापासून सक्रिय कार्यकर्ता असताना मस्के यांनी विविध विद्यार्थ्यांचे प्रश्न मार्गी लावले आहेत. महाविद्यालयीन जीवनात विद्यार्थ्यांच्या विविध प्रश्नांसाठी त्यांनी आंदोलने करून न्याय मिळवून दिला आहे.२०२२ मध्ये झालेल्या सोलापूर विद्यापीठ सिनेट निवडणुकीत विद्यापीठ विकास मंचची ग्रामीण भागातील जबाबदारी त्यांनी यशस्वीरित्या पार पाडली. विद्यार्थ्यांच्या प्रश्नाबाबत त्यांनी नेहमीच आवाज उठवला आहे याची दखल घेऊन राज्यपाल भगतसिंग कोषारी यांनी त्यांची सोलापूर विद्यापीठाच्या सिनेट सदस्य पदी निवड केली असून सर्व स्तरातून त्यांचे अभिनंदन व कौतुक होत आहे. राज्याचे माजी उपमुख्यमंत्री विजयसिंह मोहिते पाटील,आ.रणजितसिंह मोहिते पाटील, आ.राम सातपुते, भाजपाचे संघटन सरचिटणीस धैर्यशील मोहिते पाटील, श्री महादेव देवालय देवस्थान ट्रस्ट वेळापूरचे अध्यक्ष अमृतभैया माने देशमुख, भाजपा तालुका उपाध्यक्ष व वेळापूर विकास सोसायटीचे चेअरमन अमरभाऊ माने देशमुख यांनी त्यांचे विशेष अभिनंदन केले असून पुढील वाटचालीस शुभेच्छा व्यक्त केल्या आहेत.
