स्माईल एफ.एम.90.8 यांच्या वतीने पत्रकार दिनाचे औचित्य साधून पत्रकारांचा सन्मान.
अकलुज (प्रतिनिधी ) अवघ्या नऊ महिन्यापूर्वी सुरु झालेल्या आणि केवळ माळशिरस तालुक्यातच नव्हे तर संपूर्ण महाराष्ट्र राज्यात आणि देश -विदेशात देखील लोकप्रिय ठरलेल्या आणि श्रोत्यांच्या पसंतीस उतरलेल्या स्माईल एफ. एम.90.8यांच्या वतीने पत्रकार दिनाचे औचित्य साधून अकलूज परिसरातील पत्रकारांचा भेटवस्तू व स्नेहभोजन देऊन यथोचित सन्मान करण्यात आला.सदर कार्यक्रमाचे प्रास्ताविक स्माईल एफ. एम चे प्रमुख तथा बागेवाडी चे पोलीस पाटील शंकरराव बागडे यांनी केले. यावेळी बोलताना त्यांनी हे एफ. एम सुरु करताना आलेल्या अनंत अडचणी चा उहापोह विषद केला. तसेच या माध्यमातून आम्ही नागरिकांच्या विविध गरजा ओळखुन सकाळी 6ते संध्याकाळी 10वाजेपर्यंत विविध कार्यक्रम प्रसारित करीत असल्याचे आवर्जून सांगितले.यावेळी प्रमुख पाहुणे म्हणून बोलताना अकलुज येथिल प्रसिध्द कार्डिओलाॕजीस्ट डाॕ.संभाजी शिवाजीराव राऊत यांनी सांगितले की,एक निष्णात आणि तज्ञ डाॕक्टर होण्यासाठी आयुष्यातील चौदा वर्षे शिक्षण घ्यावे लागते.जगमान्य आहे तीच उपचार पध्दती आरोग्यासाठी फायद्याची ठरते.उपचार करुन घेताना उपचार करणारा कोण आहे हे पाहुनच उपचार घ्यावेत ,कारण उपचारांच्या बाबत शाॕर्टकट हा आरोग्यासाठी हानीकारक ठरतो.म्हणुन लोकांनी शाॕर्टकट न अवलंबता तज्ञांकडुन घेतलेले उपचार नक्कीच निरोगी आरोग्यासाठी फायद्याचे ठरतात असे मत अकलुज येथिल प्रसिध्द कार्डिओलाॕजीस्ट डाॕ.संभाजी राऊत यांनी व्यक्त केले.पत्रकार दिनाचे औचित्य साधुन अकलुज येथे स्माईल एफ.एम.90.8 चे संचालक शंकरराव बागडे यांनी अकलुजमधील पत्रकांच्या सन्मानाचे आयोजन केले होते.त्यावेळी डाॕ.संभाजी राऊत आणि फुफ्फुस रोगतज्ञ डाॕ.चिराग व्होरा यांची प्रमुख उपस्थिती होती.यावेळी बोलताना डाॕ.राऊत यांनी डाॕक्टर आणि रुग्ण यांच्यातील समन्वयाचे महत्व सांगुन रुग्ण आणि नातेवाईकांचा डाॕक्टरवर विश्वास असणे महत्त्वाचे असल्याचे सांगितले .तसेच नागरीकांनी आरोग्याची काळजी घेणे ही काळाची गरज असुन आजार होवु नये म्हणुन नियमित व्यायामाला पर्याय नसल्याचे सांगितले .एखादा आजार झाला तर उपचार करुन घेताना उपचार करणार्या व्यक्तीचे शिक्षण आणि त्याची उपचार पध्दती योग्य आहे का ते पहावे.कारण जगमान्य शिक्षण आणि उपचार पध्दतीचा आवलंब कधीही फायदेशीर असतो,असे सांगुन आपल्या वैद्यकीय व्यवसायातील आनेक रोमांचीत करणार्या अनेक आठवणींना उजाळा दिला.यावेळी डाॕ.चिराग व्होरा यांनी वैद्यकीय व्यवसायातील अडचणी आणि आव्हाने सांगितली .तसेच पत्रकार हे आधुनिक समाजासाठी प्रबोधनकार असल्याचे आवर्जून सांगितले .ते पुढे बोलताना म्हणाले की,रुग्णांनी डाॕक्टर पर्यंत येण्यापेक्षा डाॕक्टरांनी रुग्णांपर्यंत पोहचुन रुग्णांचा वाया जाणारा वेळ वाचविण्याची नवी संकल्पना मांडली.त्याच बरोबर वैद्यकीय व्यवसायाची सुरवात करताना पहिली शस्त्रक्रिया ही उधारीवर केल्याचा अविस्मरणीय अनुभव सांगुन भविष्यात रुग्णांसाठी उच्च वैद्यकीय सेवेचा लाभ देण्याचा मानस असल्याचे सांगितले .सदर प्रसंगी बहुसंख्येने पत्रकार बांधव उपस्थित होते.
