*आपत्ती निवारण प्रशिक्षण गरजेचे : धैर्यशील मोहिते पाटील*तीन दिवसीय ‘आपत्ती व्यवस्थापन’ या विषयीच्या राष्ट्रीय कार्यशाळेचा शुभारंभ
अकलूज ता.९ : अचानक आलेल्या नैसर्गिक आपत्तीमुळे जीवित व वित्तहानी मोठ्या प्रमाणात होत असते यातून बचावासाठी आपत्ती निवारण प्रशिक्षणाची गरज असून तीन दिवसीय कार्यशाळेत एनडीआरएफच्या वतीने देण्यात येणाऱ्या प्रात्यक्षिकासह प्रशिक्षणाचा विद्यार्थ्यांनी पुरेपूर लाभघेणे गरजेचे असल्याचे मत शिवरत्नचे कार्यकारी अध्यक्ष धैर्यशील मोहिते-पाटील यांनी व्यक्त केले.शिवरत्न शिक्षण संस्था, श्री शिवपार्वती सार्वजनिक विकास ट्रस्ट, सोलापूर विद्यापीठ राष्ट्रीय सेवा योजना विभाग यांच्या संयुक्त विद्यमाने तीन दिवसीय ‘आपत्ती व्यवस्थापन’ या विषयी राष्ट्रीय कार्यशाळेचे उद्घाटन धैर्यशील मोहिते-पाटील यांच्या हस्ते करण्यात आले. यावेळी ते बोलत होते. यावेळी शिवरत्न शिक्षण संस्थेच्या शितलदेवी मोहिते पाटील, राष्ट्रीय आपत्ती व्यवस्थापन समिती भारत सरकार यांचा संघ मार्गदर्शक इन्स्पेक्टर ब्रिजेश कुमार राईकवर, सब इंस्पेक्टर अजयकुमार यादव, हेड कॉन्स्टेबल दिलीप थोरात, राजेंद्र ठाकरे ,अंकल जी सिद्धराम, वैभव सादाळे, डाॅ.विश्वनाथ आवड, धर्मराज दगडे ,पराग गायकवाड, शितल मगदूम,आश्रफ शेख, अरविंद कुंभार, महेश ढेंबरे आदी मान्यवर उपस्थित होते.या कार्यशाळेमध्ये ग्रीन फिंगर्स कॉलेज ऑफ कम्प्युटर अँड टेक्नॉलॉजी, विजयसिंह मोहिते पाटील कॉलेज ऑफ नर्सिंग अँड मेडिकल रिसर्च, शिवरत्न इन्स्टिट्यूट ऑफ मॅनेजमेंट स्टडीज व राष्ट्रीय आपत्ती व्यवस्थापन समिती भारत सरकार यांचा सहभाग आहे .या कार्यशाळेत भूकंप, महापूर, चक्रीवादळ, अतिवृष्टी अशा नैसर्गिक आपत्तीमध्ये होणारी जीवित वित्तहानी टाळण्यासाठी प्रशासकीय यंत्रणा राबवली जात असली तरीही संकटकालीन परिस्थितीचा मुकाबला करण्यासाठी लोक सहभागी तितकाच महत्त्वाचा आहे यासाठी महाविद्यालयीन विद्यार्थ्यांना प्रात्यक्षिक स्वरूपात योग्य मार्गदर्शन केले जाणार आहे.आपत्ती निवारणात प्रशिक्षित नागरिकांची गरज : ब्रिजेश कुमार राईकवरराष्ट्रीय आपत्ती प्रतिसाद बल हे देशात कोठेही नैसर्गिक संकट आल्यास त्वरेने धावत जीवित व वित्तीय नुकसान वाचवते, परंतु या कामी नागरिकांचे सहकार्य व सहयोग गरजेचे असून त्यासाठी प्रशिक्षण देऊन नागरिकांत प्रबोधन केल्यास हानी कमी होणेस मदत होते. म्हणून या तीन दिवशीय कार्यशाळेत प्रात्यक्षिकावर भर दे त प्रशिक्षण दिले जाणार असल्याची माहिती संघ मार्गदर्शक इन्स्पेक्टर ब्रिजेश कुमार राईकवर यांनी दिली.प्रास्ताविक अनिल लोंढे तर सूत्रसंचालन धनश्री हातोळकर यांनी केले
