अकलुज /प्रतिनिधी जाती-धर्मामुळे समाजात वाढलेली तेढ दुर करुन धर्मनिरपेक्षता जपण्याचे काम संत निरंकारी मंडळ करत आहे.सामाजिक जाणिवेतुन रक्तदान व अन्य उपक्रम प्रशसनिय आसल्याचे वक्तव्य सहकार महर्षि शंकरराव मोहिते-पाटील सह.साखर कारखान्याचे अध्यक्ष जयसिंह मोहिते-पाटील यांनी केले.या शिबीरात 152 अनुयायींनी रक्तदान केले. अकलूज येथे संत निरंकारी चँरीटेबल फाऊंडेशनच्या वतीने आयोजित रक्तदान शिबीराच्या उदघाटन जयसिंह मोहिते-पाटील यांचे हस्ते करण्यात आले.यावेळी सोलापुर झोनचे प्रमुख इंद्रपालसिंह नागपाल,माजी सरपंच किशोरसिंह माने-पाटील,ज्ञानप्रचारक चाँदभाई तांबोळी,अकलुज नगरपरीषदेचे मुख्यधिकारी दयानंद गोरे,साळवे गुरुजी,पोपट टकले,लालासाहेब अडगळे,दिलीप कांबळे,शिवाजी जाधव आदी मान्यवर उपस्थित होते. पुढे बोलताना मोहिते-पाटील म्हणाले कुठलीही संघटना वाढवायची व टिकवायची असेल तर मनापासुन सहभागी होवुन प्रामाणिक पणे काम करणाऱ्या सेवकांची गरज महत्वाची असते.निरंकारी मंडळात सर्व जाती-धर्माचे लोक एकत्रि येवुन मनापासून सेवाकार्यात सहभागी होत असल्याचे पाहायला मिळाले.याठिकाणी जात हा शब्दच निघुन जातो,त्यामुळे सध्या समाजात वाढत असलेली जातीय तेढ इथे नाही.निरंकारी मंडळ सामाजिक जबाबदारी लक्षात घेत राबवत असलेला रक्तदानाचा उपक्रम प्रशसनीय असल्याचे ते म्हणाले. यावेळी बोलताना संत निरंकारी मंडळ सोलापुर झोनचे प्रमुख इंद्रपाल नागपाल यांनी जगभरात सुरु असलेले मंडळाच्या कार्याचा अढावा घेतला.तसेच येणार्या 23 फेब्रुवारी महिन्यात जगभरात सर्वत्र स्वच्छता अभियान राबविण्यात येणार असून या अभियानात पाणवठ्याच्या परीसरातील स्वच्छता करण्यात येणार आहे. सकाळी 9ते 5 यावेळात राबविण्यात आलेल्या या रक्तदान शिबीरात 152 रक्तदात्यांनी रक्तदान करुन मानवतावादी कार्यात सहभाग नोंदवला.रक्त संकलन करण्यासाठी इंडियन रेडक्रॉस सोसायटीची सर्जुबाई बजाज व अकलुज येथिल शंकरराव मोहिते-पाटील ब्लड बँकेने योगदान दिले. कार्यक्रमाचे प्रास्ताविक सेवादल शिक्षक अजिक्य माने यांनी केले तर सुत्रसंचलन नागेश लोंढे यांनी केले.दुपारी 1 ते 4 यावेळेत ज्ञानप्रचारक चाँदभाई तांबोळी यांचे प्रमुख उपस्थितीत अध्यात्मिक सत्संग पार पडला यावेळी बहुसंख्य अनुयायीं उपस्थित होते.कार्यक्रम यशस्वी करण्यासाठी युनिट 825 चे सेवादल यांनी सेवारुपाने योगदान दिले.
