शाहरुख खान व दीपिका पदुकोण यांच्या प्रमुख भूमिका असलेल्या ‘पठाण’ चित्रपटातील बेशरम रंग या गाण्यातील केशरी बिकिनी मुळे चाहते नाराज
अकलूज (प्रतिनिधी )शाहरुख खान व दीपिका पदुकोण यांच्या प्रमुख भूमिका असलेल्या ‘पठाण’ चित्रपटाची चाहते अनेक दिवसांपासून वाट बघत आहेत. हा बहुचर्चित आणि बहुप्रतिक्षित चित्रपट जानेवारी २०२३मध्ये रिलीज होत आहे.. या चित्रपटातील कलाकारांचे लूक आणि यातील गाणी सध्या रिलीज केली जात आहेत. काही दिवसांपूर्वी चित्रपटातील ‘बेशरम रंग’ हे गाणं प्रदर्शित झालं, पण त्यानंतर आता वेगळाच वाद सुरू झालाय. या वादामुळे चित्रपटावर बॉयकॉटचं संकट देखील आले आहे .“ सध्या शाहरुख खानच्या ‘पठाण’ चित्रपटातील एका गाण्यामुळे हा चित्रपट वादाच्या भोवऱ्यात सापडला आहे.‘पठाण’ चित्रपटाची झलक प्रदर्शित झाल्यापासून हा चित्रपट चर्चेत आहे. नुकतंच या चित्रपटातील एक गाणे प्रदर्शित झाले आहे. या गाण्यावरून सध्या अनेकांनी संताप व्यक्त केला आहे. या गाण्यात दीपिकाचा बोल्ड अंदाज दिसत आहे. शाहरुख खान आणि दीपिकावर हे गाणे चित्रित झाले आहे. मात्र या गाण्यात दीपिकाने एक केशरी रंगाची बिकीनी परिधान केली आहे आणि गाण्याचे शब्द आहेत ‘बेशरम रंग’, यामुळे अनेकांनी यावर आक्षेप घेतला आहे. चित्रपटातील शाहरुख दीपिकाच्या केमिस्ट्रीमुळे देखील अनेक नेटकऱ्यांनी संताप व्यक्त केला आहे. दीपिकाची या गाण्यातील अदा या मादक आणि अश्लील पद्धतीने दाखवण्यात आल्या आहेत. असे काहींचे मत आहे. शाहरुख खानचा बहुचर्चित ‘पठाण’ २०२३ मध्ये प्रजासत्ताक दिनाच्या मुहूर्तावर हा चित्रपट प्रदर्शित होणार आहे. या चित्रपटातून जवळपास ४ वर्षांनंतर शाहरुख खान पुन्हा मोठ्या पडद्यावर कमबॅक करत आहे. या चित्रपटात शाहरुख व्यतिरिक्त जॉन अब्राहम आणि दीपिका पदुकोण यांच्याही मुख्य भूमिका आहेत. तर यशराज बॅनर्सने या चित्रपटाची निर्मिती केली आहे.परंतु हा चित्रपट प्रदर्शित होण्या अगोदरच वादाच्या भोवऱ्यात अडकला आहे. या चित्रपटातील बेशरम रंग या गाण्याने अश्लील तेच्या सर्व सीमा पार केल्या आहेत. मुळात चित्रपट महामंडळ यांनी अशा चित्रपटला परवानगी कशी दिली. असाही प्रश्न उपस्थित झाला आहे. हा चित्रपट प्रदर्शित झाला तर आम्ही चित्रपटगृह जाळून टाकू असेही काहीजण बोलत आहेत.तर अशा चित्रपटा मुळे समाजात वेगळा संदेश जाईल. असेही काहींचे म्हणणे आहे.हा चित्रपट प्रदर्शित करण्याऐवजी या दोघांनी एखादी ब्लु फिल्म काढावी. असाही सुर उमटत आहे.यासंदर्भात सोशल मीडिया वर मोठया प्रमाणावर टीका होत आहे.सदर चित्रपटवर बंदी आणावी अशी मागणी जोर धरू लागली आहे.
