*काॅलेज आॅफ फार्मसी व माजी विद्यार्थी संघटनेच्या संयुक्त विद्यमाने स्नेह मेळावा संपन्न.*माजी विद्यार्थ्यांचे मोठ्या दिमाखात स्नेहसंमेलन साजरे.
संग्रामनगर दि.३० (केदार लोहकरे यांजकडून)स्मृतीला उजाळा देण्यासाठी विद्यार्थी परत एकदा महाविद्यालयाच्या प्रांगणात अवतरले.औचित्य होते रविवार दि. २७ नोव्हेंबर २०२२ रोजी झालेल्या माजी विद्यार्थी मेळाव्याचे.अकलूज येथील शिक्षण प्रसारक मंडळ अकलूज संचलित कॉलेज ऑफ फार्मसी महाविद्यालयात माजी विद्यार्थी मेळावा व स्नेहसंमेलन आयोजित करण्यात आले होते. स्नेहसंमेलनाचे उद्घाटन शिक्षण प्रसारक मंडळच्या संचालिका कु.स्वरूपाराणी मोहिते-पाटील यांच्या हस्ते संपन्न झाले.यावेळी शिक्षण प्रसारक मंडळाचे संचालक बाळासाहेब सणस व सौ.निशा गिरमे,संस्थेचे सचिव अभिजीत रणवरे तसेच महाविद्यालयाचे प्राचार्य डॉ.अनिल भानवसे यांच्यासह सर्व प्राध्यापक,शिक्षक,शिक्षकेतर कर्मचारी व एस.पी.एम.एस.कॉलेज ऑफ फार्मसी माजी विद्यार्थी संघटनेचे सर्व पदाधिकारी उपस्थित होते. या कार्यक्रमाची सुरुवात सहकार महर्षी कै.शंकरराव मोहिते-पाटील व आक्कासाहेब यांच्या प्रतिमा पूजन व दिप प्रज्वलन मान्यवरांच्या हस्ते करण्यात आले.याप्रसंगी महाविद्यालयातील विद्यार्थ्यांनी स्वागत गीत व महर्षी गीत सादर करून सात्विक वातावरण निर्मिती केली.महाविद्यालयाचे प्राचार्य डॉ.अनिल भानवसे यांनी काॅलेजच्या प्रगतीचा आलेख प्रास्ताविकात मांडला तर माजी विद्यार्थी संघटनेचे अध्यक्ष स्वप्निल राजे घाडगे यांनी कार्यक्रमाची रूपरेषा सांगितली.यावेळी महाविद्यालयातील माजी विद्यार्थी योगेश कबुतरे व किरण कलबुर्मे यांनी त्यांच्या मनोगतातून महाविद्यालया विषयी कृतज्ञता व्यक्त केली. या कार्यक्रमाच्या प्रमुख अतिथी कु.स्वरूपाराणी मोहिते पाटील यांनी फार्मसी क्षेत्रातील विविध पैलूवरती बोलत भविष्यातील फार्मसी क्षेत्रातील संधीचा फायदा घेण्यासंबंधीचे मार्गदर्शन केले व संशोधनाकडे विद्यार्थ्यांनी लक्ष केंद्रित करून प्रगती करण्याचा प्रयत्न करावा असे मत व्यक्त केले. त्यानंतर संस्थेचे सचिव माननीय अभिजीत रणवरे साहेब यांनी विद्यार्थी केंद्रित कार्यक्रम घेऊन त्यांचा व्यक्तिमत्व विकास करण्या संबंधीचे मार्गदर्शन केले. दुपारी १ ते २ यावेळी माजी विद्यार्थ्यांना स्नेहभोजनाचा कार्यक्रम पार पडला.यानंतर माजी विद्यार्थ्यांसाठी सांस्कृतिक कार्यक्रमाचे आयोजन करण्यात आले होते यामध्ये महाविद्यालयातील विद्यार्थ्यांनी विठू माऊली तू…राजा पंढरीचा ही भक्ती गीते…लाजून हसणे…सुन्या सुन्या मैफिलीत…त्याचबरोबर शूर आम्ही सरदार आम्हाला…आने से उसके आये बहार…हसता हुवा नूरानी चेहरा…सह तेरे जैसा यार कहा…खंडोबाची कारभारीनसारखी बहारदार गाण्यांचे सादरीकरण करून कार्यक्रमातील उत्साह वाढवला.याचबरोबर २०११-१२ ते २०२१-२२ मधील सर्व माजी विद्यार्थ्यांना काॅलेजचे स्मृतीचिन्ह देऊन गौरविण्यात आले. या कार्यक्रमांमध्ये महाविद्यालयातील द्वितीय वर्ष तृतीय वर्ष व अंतिम अंतिम वर्ष विद्यार्थी विद्यार्थिनींनी विविध गाण्यावरती उत्कृष्ट नृत्य सादरीकरण करून स्नेहसंमेलनामधील कार्यक्रमात रंगत आणली होती. माजी विद्यार्थी मेळावा व स्नेहसंमेलनाचा कार्यक्रम यशस्वी पार पाडण्यासाठी डी.फार्मसीचे प्राचार्य नानासाहेब देवडकर व त्यांचे सर्व सहकारी प्राध्यापक,शिक्षक,शिक्षकेतर कर्मचारी व विद्यार्थी तसेच माझी विद्यार्थी संघटनेचे बापूराव अंकलगी,अक्षय पिसे,निलेश म्हेत्रे व पदाधिकारी यांनी काम केले.
