आपत्कालीन व्यवस्थापन काळाची गरज… होमिओपॅथी नेते डॉ.अरुण भस्मे
अकलूज (प्रतिनिधी ).22 नोव्हेंबर रोजी कोल्हापूर जिल्हा होमिओपॅथिक डॉक्टर्स संघटना आणि वेणूताई यशवंतराव चव्हाण होमिओपॅथिक कॉलेज यांच्या संयुक्त विद्यमानाने आपत्कालीन परिस्थितीत काय काळजी घेतली पाहिजे यासाठी डॉ. राजेंद्र जगताप यांची “देवदूत ” ही एकदिवसीय कार्यशाळा शाहू स्मारक,दसरा चौक, कोल्हापूर येथे पार पडली. कार्यशाळेचे उद्घाटन होमिओपॅथीचे नेते डॉ.अरूण भस्मे यांच्या हस्ते करण्यात आले.यावेळी महाराष्ट्र कौन्सिल ऑफ होमिओपॅथीचे प्रशासकीय सदस्य डॉ.बाळकृष्ण गायकवाड, वेणूताई चव्हाण होमिओपॅथिक मेडिकल कॉलेजचे चेअरमन संदिप चव्हाण, सचिव डॉ.नितीन बेलनेकर, माजी विद्यार्थी संघटनेचे सचिव डॉ.संदिप पाटील, जिल्हा होमिओपॅथिक संघटनेचे अध्यक्ष डॉ.श्यामप्रसाद पावसे, उपाध्यक्ष डॉ.जयवंत पाटील, डॉ.किरण खोराटे,सचिव डॉ.श्रीकांत लगंडे, इ.उपस्थित होते.हार्ट अटॅक ( हृदय बंद)यासारख्या आपत्कालीन काळामध्ये सामान्य नागरिकांनी अपघात ग्रस्त व्यक्तीचा जीव वाचावण्यासाठी काय करायला पाहिजे हे प्रात्यक्षिकासह पुणे येथील जागतिक स्तरावरील आपत्कालीन व्यवस्थापन प्रशिक्षक डॉ. राजेंद्र जगताप यांनी दाखवले. अपघातग्रस्त परिस्थितीमध्ये मदत करताना सर्वप्रथम आपण सुरक्षित आहोत का, रुग्ण नेमका कोणत्या कारणाने बेशुद्ध पडला आहे हे कसे ओळखायचे, गोंधळून न जाता 108 नंबरला फोन करणं , मदतीला लोकांना बोलवणं , आणि कोणतेही अद्यावत वैद्यकीय उपकरण सोबत नसताना रुग्णाचा श्वास आणि हृदय कसं सुरू करायचे याचे प्रात्यक्षिक दाखवण्यात आलं. याशिवाय सर्पदंश, श्वासनलिकेत वस्तू अडकून श्वास गुदमरणे, इलेक्ट्रिक शॉक लागणं, पाण्यामध्ये बुडलेल्या व्यक्तीला नेमकी कशी मदत करायची हे प्रत्यक्षिकासह दाखवण्यात आले.तसेच ‘प्री हॉस्पिटल इमर्जन्सी मेडिकल केयर’ हा कोर्स लवकरच सुरू करणार असल्याचे डॉ.राजेंद्र जगताप यांनी सांगितलं. उद्घाटनपर भाषणात होमिओपॅथिचे नेते डॉ. अरुण भस्मे यांनी आपत्कालीन परिस्थितीमध्ये काय करू नये हे सुद्धा माहित असणं गरजेचं असल्याचं सांगितलं व लवकरच महाराष्ट्र आरोग्य विज्ञान विद्यापीठात आपत्कालीन व्यवस्थापन हा कोर्स सुरू करणार असल्याचे सांगितले. स्वागतपर भाषणात डॉ. नितीन बेलनेकर यांनी वेणूताई चव्हाण होमिओपॅथिक मेडिकल कॉलेजने आजपर्यंत समाजासाठी मोफत होमिओपॅथिक औषधोपचार शिबिराचे आयोजन, आरोग्यविषयक जनजागृती केली असून होमिओपॅथी शास्त्राचा प्रचार व प्रसार व्हावा यासाठी कॉलेजच्या माध्यमातून जे काही लागेल ते देण्यात येईल असे सांगितले.प्रास्ताविकात संघटनेचे अध्यक्ष डॉ. श्यामप्रसाद पावसे यांनी आजपर्यंत संघटनेच्या माध्यमातून पंढरपूर वारीत वारकरी संप्रदायासाठी मोफत औषधोपचार शिबिराचे आयोजन, होमिओपॅथिक डॉक्टरांसाठी मोफत होमिओपॅथिक चर्चासत्राचे आयोजन, वृक्षारोपण शिबिराचे आयोजन केल्याचे सांगितले व भविष्यात सुद्धा समाजासाठी व होमिओपॅथिक डॉक्टरांसाठी काम करणार असल्याचे सांगितले.चर्चासत्राचा प्रत्यक्ष 350 नागरिकांनी व फेसबुकद्वारे 4500 नागरिकांनी लाभ घेतला.कार्यक्रम यशस्वी करण्यासाठी डॉ. वीरधवल मोरे, डॉ.महेश पाटील, डॉ.गिरीश कोरे, डॉ.स्नेहल पाटील, डॉ. विशाल सावंत, डॉ.सागर माने, डॉ.प्राची महाजन ,डॉ.मोनाली सुभेदार,डॉ.मनोज भोपळे, डॉ.अजितकुमार कदम,डॉ.शशिकांत पाटील, डॉ.प्रविण पाटील, डॉ.प्रमोद पाटील, डॉ.पल्ववी व्हरे, नितीन पारटे प्रयत्न यांनी केले.सूत्रसंचलन डॉ. प्रिया दडंगे तर आभार डॉ.श्रीकांत लगंडे यांनी केले..
