*एखाद्या कलेचा दर्दी..प्रोत्साहनाची गर्दी करून जातो…सिनेअभिनेते अजय तपकिरे*
संग्रामनगर दि.५ (केदार लोहकरे यांजकडून)अकलूज येथील शिक्षण प्रसारक मंडळ संचलित शंकरराव मोहिते महाविद्यालय अकलूज व अखिल भारतीय नाटय परीषद शाखा अकलूज यांचे संयुक्त विद्यमाने मराठी रंगभुमी दिनानिमित्त आयोजित सांस्कृतिक कार्यक्रम *नाटयावलोकन,नाटयछटा ते अभिनयाचा प्रवास* या कार्यक्रमा प्रसंगी त्यांनी व्यक्त विचार व्यक्त केले. या कार्यक्रमाप्रसंगी अजय तपकिरे यांनी ड्राय डे या एकांकीकेतील एक प्रवेश प्रचंड उर्जा व ताकदीने सादर केला. वाक्यफेक,चेह-यावरील हावभाव,आवाजातील चढउतार,स्टेजवरील वावर व जागेचा वापर,प्रॉपर्टी नसताना त्याबाबतचे मायमिंग अशा अनेक बारीक सारीक जागा त्यांनी 15 मिनीटाच्या प्रवेशातून प्रत्यक्ष दाखवून दिल्या. हा रंगभुमीवरचा प्रवास सिनेसृष्टीतल्या व विविध मालीकामधील अभिनयासाठी उपयुक्त ठरला त्यामुळे एखाद्या कार्यक्रमासाठी गर्दी नसली तरी रंगदेवतेची सेवा करताना एक जरी प्रेक्षक समोर असेल तर त्याच्या साठीही आपण अभिनय करायलाच पाहिजे अशी रंगभुमीबद्दल असणारी भावना त्यांनी व्यक्त केली. ड्रॉय डे,पिंडग्रान,त्याच्या भल्लरीची भैरवी,एका स्वप्न गर्भाचा मृत्यू,गांधी ते गोध्रा,फितुर ते चंद्र अशा अनेक एकांकिका व सादरीकरणाचे तपशिल त्यांनी सअभिनय उलगडून दाखविले. माळशिरस तालुक्यात सहकार महर्षी शंकरराव मोहिते पाटील साखर कारखान्याचे चेअरमन जयसिंह मोहिते पाटील, शिवामृत दुध संघाचे चेअरमन व अखिल भारतीय नाटय परीषद अकलूज शाखेचे अध्यक्ष धैर्यशिल मोहिते पाटील,शिक्षण प्रसारक मंडळाचे अध्यक्ष संग्रामसिंह मोहिते पाटील यांनी वेगवेगळ्या क्षेत्रातील कलेले दिलेले प्रोत्साहन यामुळे विविध कलावंत तयार झालेले आहेत.त्यामाध्यातूनच कथाकथन या साहित्य प्रकारात हळूहळू आपली पकड निर्माण करण्यासाठी नागन्नाथ साळवे हा तरंगफळ या गावचा उमदा कलाकार तयार झालेला आहे, त्यानेही मराठी रंगभुमी दिनाच्या निमीत्ताने ग्रामीण जीवन शैलीवर अधारीत एक कथा कथन केली…मांडणीचा बाज,ग्रामीण बोलीभाषा,त्यातुन निर्माण होणार नर्म विनोद असे उत्कृष्ट सादरीकरण त्याने केली. या कार्यक्रमाची सुरवात नटराजाच्या प्रतिमा पुजनाने करण्यात आली.यावेळी डॉ.सविता सातपुते,लाला मुजावर हे उपस्थित होते. हा कार्यक्रम यशस्वी करण्यासाठी सांस्कृतिक विभागातील व नाटय परिषदेच्या सदस्यांना परिश्रम घेतले.तसेच या कार्यक्रमाचे आयोजन सुत्रसंचालन,निर्देशन डॉ.विश्वनाथ आवड यांनी केले.
