*अकलूजचा श्रीराम हॉर्स शो देश पातळीवरील नावाजलेला हॉर्स शो.-गजेंद्रपालसिंग पोसाना*
संग्रामनगर दि.४ (केदार लोहकरे यांजकडून)लोकनेते स्वर्गीय प्रतापसिंह मोहिते पाटील यांच्या स्मरणार्थ त्यांचे चिरंजीव डॉ.धवलसिंह मोहिते पाटील हे अकलूज येथे नुखरे आणि मारवाड जातीचे अश्व प्रदर्शन स्पर्धा गेल्या चार वर्षापासून आयोजित करीत असून अकलूजचा हा श्रीराम हॉर्स शो हा देश पातळीवरील मोजक्या दोन ते तीन शोमध्ये गणला जात असल्याचे गौरवोउद्गार राजस्थान येथील महाराज गजेंद्रपालसिंग पोसाना यांनी काढले. ते सोलापूर जिल्हा काँग्रेस कमिटीचे अध्यक्ष व महाराष्ट्र राज्य जनसेवा संघटनेचे मार्गदर्शक डॉ. धवलसिंह मोहिते पाटील यांनी अकलूज येथे लोकनेते स्व. प्रतापसिंह मोहिते पाटील यांच्या स्मरणार्थ आयोजित करण्यात आलेल्या श्रीराम हॉर्स शो स्पर्धेच्या उद्घाटन प्रसंगी बोलत होते यावेळी या कार्यक्रमाच्या अध्यक्षस्थानी जिल्हा परिषदचे माजी अध्यक्ष फत्तेसिंह माने पाटील होते तर व्यासपीठावर बारामती येथील रणजीत अण्णा पवार,आयोजक डॉ.धवलसिंह मोहिते पाटील,लातूर ग्रामीणचे आ.धीरज देशमुख,हैदराबाद येथील नवाब मुजाहिद आलम खान,पुणे येथील उद्योगपती आदित्यराजे घुले पाटील,सिनेट सदस्य पद्मजादेवी मोहिते पाटील,सौ.धनश्री घुले पाटील,सौ.उर्वशीराजे मोहिते पाटील,मेनकाराजे फाळके, नागपूरचे मानसिंगराजे भोसले,संगमनेर येथील महानंदा डेअरीचे चेअरमन रणजीत देशमुख,हरियाणा येथील अजितसिंग नंदल,पंजाब येथील सुखवजींदर सिद्धू,संभाजी ब्रिगेडचे प्रदेशाध्यक्ष प्रवीण गायकवाड,कोल्हापूरचे युद्धवीरसिंग गायकवाड,फलटण येथील विश्वजीतराजे नाईक निंबाळकर पुणे येथील रोहन मोरे, संपादक मंदार फणसे आदी मान्यवर उपस्थित होते. अकलूज येथे नुखरे आणि मारवाड या जातीच्या आश्वांचे प्रदर्शन व स्पर्धा आयोजित केली होती मारवाड जातीच्या घोड्यांमध्ये आदत नर, आदत मादी, दोन दात नर,दोन दात मादी,प्रजनन योग्य नर व प्रजनन योग्य मादी अशा सहा फेऱ्या घेण्यात आल्या तर नुखरे जातीच्या अश्वांमध्ये प्रजनन योग्य नर व प्रजनन योग्य मादी अशा 2 फेऱ्या घेण्यात आल्या अशा एकूण 8 फेऱ्या घेण्यात आल्या या आठही फेऱ्यांमधील प्रत्येक फेरीतील 5 क्रमांक काढण्यात आले तर सहभागी झालेल्या सर्व अश्वांना सहभागी प्रशस्तीपत्रक देण्यात आले तर विजेत्या अश्वांना स्मृतिचिन्ह व प्रशस्तीपत्र देण्यात आले या अश्वप्रदर्शनात संपूर्ण महाराष्ट्रासह हरियाणा,पंजाब ,मध्यप्रदेश,तमीळनाडू,राजस्थान,गुजरात आदी राज्यातील जवळपास 107 स्पर्धक अश्वानी सहभाग नोंदविला तर यासाठी परीक्षक म्हणून हरियाणा येथील अजितसिंग नंदल व पंजाब येथील सुखजिंदर सिद्धू तर पुणे येथील विकास बोईतकर, अण्णासाहेब हराळे,बारामतीचे हर्षवर्धन तावरे व अहमदनगरचे सचिन भाऊ जगताप यांनी या आशवांचे परीक्षण केले. उपस्थित मान्यवरांचा सन्मान महाराष्ट्र राज्य जनसेवा संघटनेच्या पदाधिकाऱ्यांच्या हस्ते करण्यात आला.यावेळी लातूर ग्रामीणचे आ.धीरज देशमुख, हरियाणाचे अजितसिंग नंदल व पंजाब येथील सुखजींदर सिद्धू यांनीही आपले मनोगत व्यक्त केले तर बारामती येथील रणजीत अण्णा पवार,डॉ.धवलसिंह मोहिते पाटील व आ.धीरज देशमुख यांच्या प्रेरणेने व मार्गदर्शनाखाली महाराष्ट्रात स्थापन झालेल्या आय.एच.ओ.ए या समितीच्या पदाधिकाऱ्यांचा सत्कार आयोजित करण्यात आला.यामध्ये अजय नेनसी चेअरमन,प्रशांत गुंजाळकर व्हाईस चेअरमन,रोहन मोरे आशिष बोरावके,पद्माकर देसाई ,जयेश पेकले,तर सदस्य म्हणून शशांक पवार व अतुल माने या नूतन पदाधिकाऱ्यांचा सन्मान करण्यात आला.या कार्यक्रमासाठी महाराष्ट्र राज्य जनसेवा संघटनेच्या सर्व पदाधिकाऱ्यांनी परिश्रम घेतले .
