अकलूज येथील शहा एंटरप्रायजेस मध्ये दीपावली साहित्य खरेदीसाठी ग्राहकांचा उदंड प्रतिसाद
अकलूज (प्रतिनिधी )पुणे जिल्ह्यातील इंदापूर तालुक्यातील बावडा येथील अतिशय गरीब कुटूंबात 1मार्च 1974साली जन्म झालेल्या कमलेश वसंतदास शहा यांनी अतिशय हलाखीच्या परिस्थितीला सामोरे जात आपला लहान भाऊ निलेश शहा यांच्या मदतीने मोठया जिद्दीने आणि कष्टाने अगदी अल्पअवधीतच आपला व्यवसाय वाढविला असून, आज ते अकलूज आणि परिसरात एक प्रतिष्टीत व्यापारी म्हणून ओळखले जात आहेत.वडील सुरवातीला बावडा येथे काही वर्ष यशवंत विविध कार्यकारी सोसायटी चे संचालक होते. तेव्हापासूनच ते वडिलांचा बारकाईने अभ्यास करीत होते.बावडा येथून अकलूज ला आल्यानंतर सुरवातीला नोकरी करणाऱ्या कमलेश यांनी साधारणपणे वीस वर्षांपूर्वी वडील वसंतदास माणिकदास शहा, आई मंगल शहा, लहान भाऊ निलेश शहा, तर बहीण नमिता शहा यांच्या सहकार्याने भाड्याने गाळा घेऊन शहा एंटरप्रायझेस या नावाने सिंगल युज प्लास्टिक पिशवी, युज अँड थ्रो च्या वस्तू विक्रीच्या आपल्या व्यवसायाला सुरुवात केली.सुरवातीला व्यवसाय अल्प चालत होता. मात्र निसर्गताच हसरा चेहरा, गोड बोलणे ग्राहकांना आकर्षित करण्याची हातोटी यामुळे कालांतराने व्यवसाय वाढला. सुरवातीला केवळ रिटेल व्यवसाय सुरु केला. काही वर्षानंतर ग्राहकांचा प्रतिसाद वाढल्याने नंतर होलसेल व्यवसाय सुरु केला.हा व्यवसाय वाढविण्यासाठी शिक्षण प्रसारक मंडळ अकलूज चे अध्यक्ष संग्रामसिंह मोहिते पाटील आणि अकलूज ग्रामपंचायत चे माजी सरपंच शिवतेजसिंह मोहिते पाटील यांची देखील मोलाची साथ मिळाल्याचे ते आवर्जून सांगतात. तसेच व्यवसाय वाढविण्यासाठी मेहुणे प्रसन्न शहा यांनी देखील वेळोवेळी मार्गदर्शन केल्याचे ते सांगतात.आपला व्यवसाय सांभाळून ते आपल्या भावाच्या मदतीने शेती देखील करतात. प्रगतशील बागायतदार म्हणून त्यांनी वेगळी ओळख निर्माण केली आहे.दरम्यान अकलूज ग्रामपंचायत चे रूपांतर नगरपरिषद मध्ये झाल्यानंतर अकलूज चे कर्तव्य दक्ष मुख्याधिकारी यांनी माझी वसुंधरा अंतर्गत अकलूज स्वच्छ व सुंदर करण्यासाठी प्लास्टिक विक्री करू नये. असे सांगितल्यानंतर सर्वप्रथम कमलेश शहा यांनी प्लास्टिक पिशवी विक्री बंद करून प्लास्टिक टाळा, कागदी पिशवी वापरा असा संदेश देत प्लास्टिक विक्री बंद केली. एवढेच नव्हे तर काही नागरिकांना अडचणी येत आहेत. हे लक्षात आल्यानंतर त्यांनी 81मायक्रोन ची प्लास्टिक पिशवी देखील उपलब्ध केली. आणि शासनाच्या आदेशाचे तंतोतंत पालन केले.सध्या साडेतीन मुहूर्तापैकी एक महत्वाचा असलेला दीपावली हा सण सुरु झाला असून दीपावली साहित्य खरेदी करण्यासाठी या दुकानात मोठी गर्दी होत आहे. या ठिकाणी दीपावली निमित्त आकाशकंदील, मेणबत्ती, धूप, वेगवेगळ्या प्रकारच्या आकर्षक पणत्या, सजावटी चे साहित्य बाजारपेठेतील दरा पेक्षा कमी दरात उपलब्ध असल्यामुळे ग्राहकांचा प्रतिसाद वाढत आहे.खास दीपावली निमित्त 100₹किमतीच्या धूप खरेदी वर 75₹चा शहा उदबत्ती पुडा मोफत असल्यामुळे ग्राहकांचा चांगला प्रतिसाद मिळत आहे.त्याचप्रमाणे शहा या नावाने उदबत्ती पुड्या च्या अनेक व्हरायटी उपलब्ध असल्यामुळे या उदबत्ती ला चांगली मागणी आहे. ग्राहक आवर्जून हा उदबत्ती पुडा खरेदी करीत आहेत.दीपावली साहित्य खरेदी साठी ग्राहकांची पहिली पसंती या दुकानाला मिळत असल्याचे दुकानाचे प्रोप्रायटर कमलेश शहा यांनी सांगितले.ग्राहकांनी एकवेळ अवश्य भेट देऊन बाजार भाव पेक्षा कमी किमतीत खरेदी करावी. असे आवाहन त्यांनी केले आहे.
