*छत्रपती संभाजी नगर पंचवटी येथे भव्य डान्स स्पर्धा संपन्न.*
संग्रामनगर दि.७ (केदार लोहकरे यांजकडून)अकलाई नवरात्र उत्सव मंडळ छत्रपती संभाजी नगर,पंचवटी अकलूज,संस्थापक नितीन (भैय्या) पराडे पाटील यांच्या मार्गदर्शनाखाली देवीची महाआरती भव्य डान्स स्पर्धा आयोजित करण्यात आल्या होत्या.त्याचे उद्घाटन सौ. शितलदेवी धैर्यशील मोहिते पाटील यांच्या प्रमुख उपस्थितीत संपन्न झाल्या व देवीचा महाआरती सोहळा संपन्न झाला. अकलाई नवरात्र उत्सव मंडळातर्फे विविध कार्यक्रमाचे आयोजन करण्यात आले होते.या कार्यक्रमाला सुरुवातीला सर्व मान्यवरांचे सत्कार समारंभ कार्यक्रम घेण्यात आला सौ. शितलदेवी धैर्यशील मोहित पाटील यांचा सत्कार अकलाई नवरात्र उत्सव मंडळाचे संस्थापक नितीन (भैया) पराडे पाटील यांच्या आईंच्या हस्ते करण्यात आला.तसेच अकलाई नवरात्र उत्सव मंडळातर्फे विविध कार्यक्रमाचे आयोजन करण्यात आले होते भव्य डान्स स्पर्धा,बेटी बचाव बेटी पढाव,स्त्रीभ्रूण हत्या अशा एकपात्री नाटिकांचे प्रयोग तसेच संगीत खुर्ची लिंबू चमचा असे अनेक विविध वहिनीसाहेब यांच्या उपस्थितीत घेण्यात आले या कार्यक्रमांमध्ये वेगवेगळ्या गावांमधून कलाकाराने उत्स्फूर्त प्रतिसादाने भाग घेतला.तसेच या कलाकारांना बक्षीस व ट्रॉफी देण्यात आली. या कार्यक्रमाचे आयोजन संस्थापक नितीन (भैया) पराडे पाटील(अध्यक्ष), सुरज रणदिवे(उपाध्यक्ष), नितीन शिंदे (कार्याध्यक्ष), सुधीर लोंढे, सारंग सूर्यवंशी, समाधान होले,गौरव सूर्यवंशी व इतर सर्व सभासद यांनी सर्वांनी कार्यक्रमाचे आयोजन करून कार्यक्रम खूप चांगल्या प्रकारे संपन्न करण्याकरिता खूप परिश्रम घेतले तसेच हा कार्यक्रम चांगल्या प्रकारे संपन्न करण्यात आला ह्या सर्व कार्यक्रमाचे सूत्रसंचालन अनिल सातव,अरुंधती हजारे,सौ.जयश्री मिसाळ यांनी केले.
