” विघ्नहर्ता अवार्ड 2022″ वितरण सोहळा थाटात संपन्न.
ग्रामीण मधून प्रथम क्रमांक विजय गणेशोत्सव मंडळ ट्रस्ट शंकरनगर अकलूज.
शहर विभागातील मोठ्या गटात प्रथम क्रमांक छत्रपती गणेशोत्सव मंडळ गोळीबार चौक अकलूज.
तर छोट्या गटात प्रथम क्रमांक नवक्रांती गणेश उत्सव मंडळ गणेश चौक
अकलूज (प्रतिनिधी )
– अकलूज नगरपरिषद, अकलूज पोलीस ठाणे व पोलीस मित्र परिवार यांचे संयुक्त विद्यमाने इको फ्रेंडली अर्थात पर्यावरण स्नेही गणपती प्रशस्तीपत्र,व “विघ्नहर्ता अवॉर्ड 2022″वितरण सोहळा अकलूज नगर परिषदेच्या सभागृहामध्ये संपन्न झाला.
शुक्रवार दि.23 रोजी दुपारी डी. वाय. एस. पी. बसवराज शिवपुजे, पोलीस निरीक्षक अरुण सुगावकर, उद्योगपती व अकलूज ग्रामपंचायत माजी सरपंच शिवतेजसिंह मोहिते पाटील, अकलूज नगरपरिषद मुख्याधिकारी दयानंद गोरे, पी.एस.आय. बबन साळुंखे या सर्व मान्यवरांच्या हस्ते पारितोषिक वितरण करण्यात आले.
मोठ्या गटात प्रथम क्रमांक छत्रपती गणेश उत्सव मंडळ गोळीबार चौक अकलूज,
द्वितीय क्रमांक नवभारत गणेश उत्सव मंडळ धवलसिंह चौक अकलूज,तृतीय क्रमांक,शिवरत्न गणेश उत्सव मंडळ विजय चौक अकलूज तर उत्तेजनार्थ जय हिंद गणेश उत्सव मंडळ, प्रतापसिंह चौक अकलूज यांना मिळाला.
छोट्या गटात प्रथम क्रमांक नवक्रांती गणेश उत्सव मंडळ गणेश चौक अकलूज,
द्वितीय क्रमांक पगडी चा राजा प्रतिष्ठान क्रांतिसिंहनगर अकलूज,
तृतीय क्रमांक हनुमान तालीम गणेश उत्सव मंडळ अकलूज,
उत्तेजनार्त श्री दत्तगुरु गणेश उत्सव मंडळ दत्तनगर अकलूज,
उत्तेजनार्त सिद्धिविनायक गणेश उत्सव मंडळ भाजी मंडई अकलूज यांना मिळाला.
अकलूज पोलीस स्टेशनच्या वतीने गणेशोत्सवात उत्कृष्ट कामगिरी करणाऱ्या मंडळांना “विघ्नहर्ता अवार्ड”.ग्रामीण विभागात प्रथम क्रमांक श्री विजय गणेशोत्सव मंडळ ट्रस्ट, शंकरनगर ( अकलूज ), द्वितीय क्रमांक श्री नंदेश्वर गणेशोत्सव मंडळ लवंग. तर तृतीय क्रमांक मोरया गणेशोत्सव मंडळ, बोरगाव यांनी प्राप्त केला.
ग्रामीण भागातील क्रमांक काढताना अकलूज पोलीस ठाणे अंतर्गत गावातील सर्व गावच्या पोलीस पाटील यांनी विघ्नहर्ता अवार्ड 2022 परिक्षक कमिटीस मोलाचे सहकार्य केले.
विघ्नहर्ता ॲंवार्ड 2022, परीक्षक कमिटीचा उत्कृष्ट परिक्षक म्हणून ज्येष्ठ संपादक भाग्यवंत नायकूडे अकलूज पोलीस ठाणे प्रतिनिधी पोलीस हवालदार रमेश सुरवसे पाटील,शिक्षक प्रतिनिधी राजशेखर हणमंत कुंभार,
अकलूज नगरपरिषद प्रतिनिधी रोहित विकास शेटे,पोलीस मित्र परिवार प्रतिनिधी विष्णू आंधळकर,या सर्वांचा या बक्षीस वितरण सोहळ्यामध्ये सन्मान करण्यात आला.
अकलूज पोलीस ठाणे अंतर्गत प्रथमच विघ्नहर्ता अवार्डची अभिनव संकल्पना मांडून पोलीस निरीक्षक अरुण सुगावकर यांनी अकलूज नगरपरिषद, पोलीस मित्रपरिवार, मंडळाचे पदाधिकारी आणि नागरिक यांच्या सहकार्याने पूर्णत्वास नेली. अशी सर्वत्र चर्चा होत आहे. याप्रसंगी बोलताना पोलीस निरीक्षक सुगावकर म्हणाले की, आपण सर्वांनी कायदा सुव्यवस्था आणि सरकारी नियमाचे पालन करीत श्री गणेशोत्सव उत्साहाने साजरा केलेला आहे. याचप्रमाणे नवरात्र महोत्सव हा आपणास पावित्रपूर्ण उत्साहाने साजरा करावयाचा आहे. त्यासाठी सर्व शासकीय नियम अटींचे पालन आपण करणे नितांत गरजेचे आहे. नवरात्र उत्सवात सुद्धा रहदारीला अडथळा येऊ नये अशा रीतीने देवीचा मंडप उभा करावा .नगरपरिषद ,पोलीस ठाणे ,वीज वितरण कंपनी इत्यादींच्या रितसर पूर्व परवानगी मंडळांनी घ्यावी. मंडळाच्या कार्यकर्त्यांनी आळीपाळीने अखंडित जागृतपणे या कालावधीत देवी मूर्तींची सुरक्षिततेच्या दृष्टीने काळजी घ्यावी.स्पीकर, साऊंड यांच्या आवाजावर स्वनियंत्रण ठेवावे. पर्यावरण, स्वच्छता, ध्वनी प्रदूषण इत्यादीं बाबत काळजी घेऊन नवरात्र उत्सवाचे पावित्र्य, मांगल्य राखावे.नवरात्रोत्सव शांतता, स्वयंशिस्त,सुव्यवस्था आणि सुरक्षितपणे धार्मिक वातावरणात साजरा करावा. असेही त्यांनी आवाहन केले.
यापूर्वीही वारी काळामध्ये अकलूज पोलीस ठाणे, अकलूज नगरपरिषद आणि पोलीस मित्र परिवाराच्या सहकार्याने वारी बंदोबस्त उल्लेखनीय पद्धतीने राबविल्याचे सर्वज्ञात आहेच. त्यावेळेस वारी बंदोबस्तातील स्वयंसेवकांसाठी अकलूज नगर परिषदेने टी-शर्ट आणि बंदोबस्तासाठी आवश्यक असणारे साहित्य पुरवठा केलेले होते.त्यावेळीही सुमारे 500 स्वयंसेवकांना सन्मानपत्र देऊन सर्वांच्या कामाचे कौतुक करीत त्यांना प्रेरित करण्यात आलेले आहे. भविष्यातही संयुक्तपणे अभिनव कल्पना राबवित कार्य करण्याचा मानस त्यांनी आपल्या मनोगताद्वारे व्यक्त केला.
याप्रसंगी सार्वजनिक गणेशोत्सव मंडळ आणि नवरात्र उत्सव मंडळांचे पदाधिकारी, कार्यकर्ते, ग्रामस्थ बहुसंख्येने उपस्थित होते. सूत्रसंचलन रमेश सुरवसे पाटील व ज्येष्ठ संपादक भाग्यवंत लक्ष्मण नायकुडे यांनी केले तर मान्यवरांसह सर्व उपस्थितांचे आभार हणमंतराव गोरे यांनी मानले.
