*कोडोलीच्या यशवंत शिक्षणशास्त्र महाविद्यालयाचे प्रशिक्षणार्थी शालेय आंतरवासीता उपक्रमातून घेत आहेत शाळा चालविण्याचा अनुभव*
संग्रामनगर (केदार लोहकरे यांजकडून) कोडोली (जिल्हा कोल्हापूर) येथील यशवंत शिक्षणशास्त्र महाविद्यालयाची तीन आठवड्यांची आंतरवासीता गावातील दोन शाळांमध्ये सुरू आहे.येथील यशवंत माध्यमिक व उच्च माध्यमिक विद्यालय आणि हॉवर्ड मेमोरियल हायस्कूल या दोन शाळांमध्ये महाविद्यालयाचे विद्यार्थी – शिक्षक शाळा चालविण्याचा अनुभव घेत आहेत. महाविद्यालयातील विद्यार्थी – शिक्षकांचे दोन गट दोन्ही शाळांमध्ये कार्यरत असून तीन आठवड्यांच्या एकूण 12 दिवसांत ते शाळेत सराव पाठ घेण्याबरोबरच सहशालेय उपक्रम राबविता आहेत.स्वातंत्र्याच्या अमृतमहोत्सव निमित्ताने हे दोन्ही गट विशेष उपक्रम ही राबवित आहेत.अर्थात या विद्यार्थी – शिक्षकांना त्या शाळांच्या मुख्याध्यापक व त्यांच्या सर्व सहकाऱ्यांचे उत्तम सहकार्य लाभत आहे. महाविद्यालयाचे प्राचार्य डॉ. विश्वनाथ पाटील यांच्या प्रेरणेतून हे दोन्ही गट शैक्षणिक कार्यात अग्रेसर भूमिका बजावत आहेत.यशवंत हायस्कूलमधील गटाला प्रा.डी.डी.पाटील आणि प्रा.संजय गणपती जाधव हे मार्गदर्शन करत आहेत.त्या शाळेत अभिरुप मुख्याध्यापिका ऋतुजा खोत – निकम आणि त्यांचे सर्व सहकारी अभीरुप शिक्षक आंतरवासीता यशस्वी करण्यासाठी परिश्रम घेत आहेत. तर हॉवर्ड हायस्कूलमध्ये विभाग प्रमुख प्राध्यापिका जी.के.मुजावर आणि प्रा.अजित गोपाळराव लोकरे हे या गटाला मार्गदर्शन करीत आहेत.या गटाच्या अभिरुप मुख्याध्यापिका अनुष्का खंबाळे आणि त्यांचे सर्व सहाध्यायी सहकारी आंतर वा सीता यशस्वी करण्यासाठी झटत आहेत. या प्रशिक्षणार्थीनी पहिला संपूर्ण आठवडा क्षेत्रीय भेटीचा उपक्रम राबविला.त्या अंतर्गत विविध क्षेत्रांना भेटी दिल्या.त्याची छायाचित्रे घेत व्हिडिओ चित्रीकरण केले.त्यानंतर शाळेत विविध अध्यापन पद्धती वापरून दोन्ही अध्यापन पद्धतीचे सहा पाठ घेतले.प्रतिमानाचे प्रत्येकी दोन पाठ घेतले.याशिवाय विविध सहशालेय उपक्रम राबविले. प्राचार्य डॉ.विश्वनाथ पाटील यांनी या दोन्ही गटांना अचानक भेट देऊन गटातील कार्याची माहिती घेत अभीरूप शालेय दप्तराची पाहणी करून समाधान व्यक्त केले.त्यांनी गटांना काही सूचना देऊन पुढील वाटचालीसाठी शुभेच्छा दिल्या. यशवंत हायस्कूलचे मुख्याध्यापक आर.आर.पाटील आणि हॉवर्डचे मुख्याध्यापक डी.वाय.समुद्रे हे दोघे व त्यांचे सहकारी भावी शिक्षकांना मार्गदर्शन व सहकार्य करीत आहेत. श्री यशवंत शिक्षण प्रसारक मंडळाचे सेक्रेटरी डॉ. जयंत पाटील यांनी दोन्ही गटांतील शैक्षणिक कार्याचा आढावा घेत सर्वांचे अभिनंदन केले आहे.त्यांनी सर्व अभीरूप शिक्षकांना भविष्यातील वाटचालीसाठी शुभेच्छा दिल्या.
