*मुख्यमंत्री,उपमुख्यमंत्री यांची कोल्हापूर सर्किट बेंच प्रश्नी लवकरच भेट घेणार ना.शंभूराजे देसाई*
अकलूज (केदार लोहकरे यांजकडून)कोल्हापूर येथे सहा जिल्ह्यांसाठी सर्किट बेंच स्थापन करणेसाठी सहा जिल्ह्यातील लोकांचा गेली 35 वर्षे लढा चालू ठेवला आहे.कोल्हापूर येथे सर्किट बेंच सर्व सामान्य जनता,पक्षकार करीता स्थापन होणे आवश्यक आहे याकरिता लवकर मुख्यमंत्री एकनाथ शिंदे व उपमुख्यमंत्री देवेंद्र फडणवीस यांची भेट घडवून तातडीने सर्किट बेंच प्रश्न मार्गी लावणार असे ना.शंभूराजे देसाई यांनी खंडपीठ कृती समितीबरोबर बोलताना म्हणाले.काल पाटण (जि.सातारा) येथे खंडपीठ कृती समितीच्या सदस्यांनी मंत्री महोदय यांची भेट घेतली.खंडपीठ कृती समितीने मा.मंत्री महोदय यांची भेट घेऊन निवेदन दिले.यावेळी खंडपीठ कृती समितीचे अध्यक्ष अ‍ॅड.गिरीश खडके यांनी ना.शंभूराजे देसाई यांची कॅबिनेट मंत्रीपदी निवड झाले बद्दल शाल, श्रीफळ, पुष्पगुच्छ देऊन सत्कार करण्यात आला. यावेळी खंडपीठ कृती समितीचे अध्यक्ष अ‍ॅड.गिरीश खडके यांनी म्हणाले की,सर्किट बेंच लढा अंतिम टप्यात आहे.मा. मुख्यमंत्री व मुख्यन्यायमूर्ती यांची या विषयी लवकर भेट होणे आवश्यक आहे.तरी आपण मा.मुख्यमंत्री व मा.उपमुख्यमंत्री यांना भेटून मा.मुख्य न्यायमूर्ती यांना भेटण्याविषयी पत्रव्यवहार करणे आवश्यक आहे असे सांगितले. यावेळी मा.शंभूराजे देसाई म्हणाले की,सहा जिल्ह्याचा सर्किट बेंच प्रश्न जिव्हाळ्याचा आहे तरी कोल्हापूर येथे सर्किट बेंच स्थापन होईपर्यंत मी स्वतः लक्ष देऊन सर्वतोपरी प्रयत्न करणार आहे. या भेटीवेळी कोल्हापूर जिल्हा बार असोसिएशनचे उपाध्यक्ष अ‍ॅड.सुधीर चव्हाण, सचिव अ‍ॅड.विजयकुमार ताटे- देशमुख,सहकार बार असोसिएशनचे माजी अध्यक्ष अ‍ॅड.इंद्रजित चव्हाण,पाटण बार असोसिएशनचे माजी अध्यक्ष अ‍ॅड.बाबुराव नांगरे,अ‍ॅड.डी.पी.जाधव उपस्थित होते.
