सोलापूर जिल्ह्यातील महामार्गासाठी निधी द्या.आ.मोहिते पाटील यांची ना.नितीन गडकरी यांच्याकडे मागणी.*

*सोलापूर जिल्ह्यातील महामार्गासाठी निधी द्या.आ.मोहिते पाटील यांची ना.नितीन गडकरी यांच्याकडे मागणी.*

संग्रामनगर दि.२७ (केदार लोहकरे याजकडून) सोलापूर जिल्ह्यातील संत तुकाराम महाराज पालखी महामार्ग व संत ज्ञानेश्वर महाराज पालखी महामार्गावर सेवा व सुविधा निर्माण करण्यासंदर्भात तसेच करमाळा-माढा तालुक्यातील रस्त्यासाठी केंद्रीय मार्ग निधी उपलब्ध करुन द्यावा अशी मागणी आ.रणजितसिंह मोहिते पाटील यांनी केंद्रीय रस्ते वाहतूक व महामार्ग मंत्री नितीन गडकरी यांच्याकडे केली आहे . आ.मोहिते पाटील यांनी मुंबई येथे ना.नितीन गडकरी यांची भेट घेवून सोलापूर जिल्ह्यातील रस्ते व पालखी महामार्ग विकासासाठी निधीची मागणी केली. महाळुंग बायपास येथील कि.मी. ११८ मधील भुयारी मार्ग हा ४ मीटर ऐवजी ७ मीटर उंचीचा करावा,संत तुकाराम महाराज पालखी मार्गावर अकलुज बायपास दरम्यान निरा नदी जवळ अकलुज-तांबवे रोडसाठी भुयारी मार्ग करावा,संत तुकाराम महाराज पालखी मार्गावर बोरगाव येथे दोन्ही बाजुनी २ कि.मी.चे सर्विस रोड करण्यात यावेत,सदाशिवनर-पुरंदावडे गावातुन जाणारा संत ज्ञानेश्वर पालखी मार्ग क्रमांक ९६५ वरील उडाणपुल प्लेट ऐवजी काॅलमचा उड्डाणपुल करण्यात यावा,इंदापुर- सांगोला महामार्ग क्र ९६५ जी मध्ये अकलुज बायपाससह अकलुज-वेळापुर १४.९००कि.मी.रोड,नॅशनल हायवे म्हणुन घोषित करावा,संत ज्ञानेश्वर पालखी मार्गावर दसुर कि.मी.९३/५६० मध्ये जि.प.शाळेसाठी भुयारी मार्ग करण्यात यावा,संत ज्ञानेश्वर महाराज पालखी मार्गावर पुरंदावडे येथे कि.मी ९३/०८० मध्ये जि.प.शाळेजवळ भुयारी मार्ग करण्यात यावा,सदाशिवनर कि.मी.९५/०८० मध्ये कॅनाॅलजवळ भुयारी मार्ग देण्यात यावा,कारुंडे कि.मी ११३/८४० कारुंडे ग्रामीण मार्गासाठी भुयारी मार्ग देण्यात यावा,पालखी मार्गावर पुरंदावडे,वेळापुर,वाखरी येथे पालखी तळ व ड्रेनिज सिस्टीम करण्यात यावी,करमाळा तालुक्यातीलरोपळे-केम-कंदर-कन्हेरगाव MRD 12 या रस्त्याचे रुंदीकरण व मजबुतीकरण करण्यात येवुन कुंकु उत्पादनाचे औद्योगिक केंद्र असलेल्या केम येथे सेंट्रल रेल्वे मार्गावर उड्डाणपुल उभारण्यात यावा अशी मागणी केली.