गोरगरिबांसाठी मोफत आणि अल्प खर्चात वैद्यकीय तपासणी शिबीराचे आयोजन हा आयोजकांचा स्तुत्य उपक्रम..अशी शिबिरे सातत्याने होणे आवश्यक.. डॉ.मनोहर इनामदार
अकलूज (प्रतिनिधी) : अकलूज येथील श्री विठ्ठल रुक्मिणी मंदिरात स्वातंत्र्याचा अमृत महोत्सवानिमित्त श्री संत शिरोमणी नामदेव महाराज ट्रस्ट अकलूज, कुल्लोळी नेत्रालय व फिको सेंटर सांगली आणि गीताई प्रतिष्ठान यांच्या संयुक्त विद्यमाने भव्य मोफत नेत्र तपासणी, मोतीबिंदू निदान शिबिर, मोफत दंत चिकित्सा तसेच महिलांसाठी होमिओपॅथी औषधोपचार शिबिर आयोजित करण्यात आले होते.या शिबिराचे उद्घाटन अकलूज येथील प्रसिद्ध हृदयरोग तज्ञ मा.डॉ.एम. के. इनामदार यांच्या हस्ते आणि अकलूज पोलीस ठाणे येथील उपनिरीक्षक मा. जगताप साहेब, गीताई प्रतिष्ठानचे सदस्य मा.अनुज फुले, कुल्लोळी नेत्रालय चे डॉ.सुनील पाटील, पंचायत समिती सदस्या मा.सौ.हेमलता चांडोले, मा.डॉ. भूषण म्हेत्रे, नामदेव महाराज सेवा ट्रस्टचे अध्यक्ष दादा मुळे, उपाध्यक्ष किशोर चांडोले यांच्या उपस्थितीत संपन्न झाले.या शिबिरात मार्गदर्शन करताना डॉक्टर एम.के. इनामदार यांनी सर्व सामान्य गोरगरीब लोकांसाठी आयोजकांनी या शिबिराच्या मार्फत मोफत तपासणी व अल्प खर्चात वैद्यकीय सेवा उपलब्ध करून गरजूंचे आर्थिक व आरोग्याचे हित जपण्याचे कौतुकास्पद कार्य केले आहे असे सांगत संत नामदेव महाराज सेवा ट्रस्ट अकलूज, गीताई प्रतिष्ठान यासारख्या परिसरातील सेवाभावी संस्थांकडून वैद्यकीय स्तरावरील विविध मोफत व अल्प खर्चातील शिबिरे सातत्याने आयोजित करून गरजू रुग्णांचे आर्थिक व आरोग्याचे हित साधले जावे अशी अपेक्षा व्यक्त केली.कुल्लोळी नेत्रालय सांगलीचे डॉ. सुनील पाटील यांनी या रुग्णालयामार्फत मोफत तथा अल्प खर्चात डोळ्यांच्या शस्त्रक्रिया करून देण्यासाठी नेहमीच सहकार्य राहील असे सांगितले. तर पोलीस उपनिरीक्षक जगताप साहेब यांनी सर्वसामान्यांसाठी या शिबिरामार्फत गरजू रुग्णांसाठी चांगल्या प्रकारे सोय केल्याबद्दल आयोजकांना धन्यवाद दिले.सदर शिबिरामध्ये डॉ.भूषण म्हेत्रे, डॉ.सुनील पाटील, डॉ.मृणाल भोसले, डॉ.संकेत जवंजाळ, डॉ.भक्ती जवंजाळ, डॉ.मिताली शहा, डॉ.स्वप्नील भोसले, डॉ.निखिल जामदार तसेच नेत्रतज्ञ संतोष शेटे, अंकिता आंबोळे, अमित गणेशवाडे या तज्ञ डॉक्टरांनी आलेल्या रुग्णांची तपासणी करून आरोग्याविषयी बहुमोल मार्गदर्शन केले.या मोफत तपासणी शिबिराच्या माध्यमातून एकूण 270 गरजू रुग्णांनी लाभ घेतला.या शिबिरातील सोयी सुविधांसाठी अकलूज येथील लेन्स ऑप्टिशियन, कॉम्प्युटर प्लॅनेट, भक्ती कॉम्प्युटर टायपिंग इन्स्टिट्यूट, मुळे ट्रेडर्स, श्री सरस्वती इमिटेशन या संस्थां तसेच विजय जबडे, वैभव जामदार, अमोल जवंजाळ, वैशाली पोरे, उदय उरणे सर, रामेश्वर आंचलकर, श्री.अनुज फुले यांचे विशेष सहकार्य लाभले.या कार्यक्रमाचे प्रस्ताविक सौ. पुनम चांडोले यांनी, सूत्रसंचालन गजानन जवंजाळ यांनी केले तर आभार सौ. अनुप्रिया जवंजाळ यांनी मानले.तर हे शिबिर यशस्वी होण्यासाठी संत नामदेव महाराज ट्रस्ट अकलूज संस्थेच्या सर्व सदस्यांनी, संत नामदेव महाराज युवक मंडळ आणि महिला मंडळ, गीताई प्रतिष्ठान च्या सर्व सदस्यांनी विशेष परिश्रम घेतले.
