अकलूज येथील उदयसिंह क्रिडा मंडळाच्या निमंत्रित बास्केट बॉल स्पर्धेत अटीतटीच्या रोमहर्षक अंतिम सामन्यात नागपाडा जिमखाना मुंबई संघाने नेक्सस नांदेड संघा चा ९४ विरुध्द ८६ असा ८ गुणांनी पराभव करत विजेतेपद पटकावले.संघाला प्रथम क्रमांकाचे बक्षीस रोख रु.७१ हजार व चषक माजी उपमुख्यमंत्री विजयसिंह मोहिते पाटील यांच्या हस्ते देण्यात आले.अकलूज येथील विजयसिंह मोहिते पाटील क्रीडा संकुलात उद्योग महर्षी उदयसिंह मोहिते पाटील यांच्या जयंतीचे औचित्य साधुन उदयसिंह क्रिडा मंडळाच्या वतीने देशभरात नावाजलेले १६ बास्केट बॉल संघाला निमंत्रित करुन २ ते ४ अक्टोंबर दरम्यान उद्योग महर्षी चषक बास्केटबॉल स्पर्धा आयोजित केल्या होत्या.या स्पर्धेत आज पहिल्या सत्रात उपांत्य फेरी सामन्यात नेक्सस नांदेड संघाने एस.के.बी.ए.पुणे संघा वर ७१ विरुध्द ५२ अशा १९ गुणांनी मात करत अंतिम फेरीत प्रवेश केला तर नागपाडा मुंबई संघाने जैन युनिव्हर्सिटी बंगळुरु संघाचा ५६ विरुध्द ५२ असा ४ गुणाने पराभव करत अंतिम फेरी गाठली.सायंकाळच्या दुसऱ्या सत्रात खेळलेला नागपाडा मुंबई विरुद्ध नेक्सस नांदेड अंतिम सामना नागपाडा मुंबईने नेक्सस संघाचा ९४ विरुध्द ८६ अशा ८ गुणांने पराभव करीत विजेतेपद पटकवले.नेक्सस नांदेड उपविजेता संघाला रोख रु.५१ हजार व ट्रॉफी ,तिस-या क्रमांका साठी एस के बी ए पुणे विरुध्द जैन युनिव्हर्सिटी बंगळुरु या लढतीत पुणे संघाने बंगळुरु संघाचा ५६ विरुध्द ५१ असा ५ गुणांनी पराभव करुन तृतीय क्रमांकाचे रोख रु ३१ हजार,ट्रॉफी,चतुर्थ क्रमांकाचे जैन युनिव्हर्सिटी बंगळुरु संघाला रोख रु २१ हजार रु व ट्रॉफी बक्षीस माजी उपमुख्यमंत्री विजयसिंह मोहिते पाटील यांच्या हस्ते देण्यांत आले.याप्रसंगी मदनसिंह मोहिते पाटील, स्वयंप्रभादेवी मोहिते पाटील, खा.धैर्यशील मोहिते पाटील, माजी खा.रणजितसिंह मोहिते पाटील,सत्यप्रभादेवी मोहिते पाटील,नगराध्यक्षा रेश्मा अडगळे,उपनगराध्यक्ष शिवतेजसिंह मोहिते पाटील,देवन्या मोहिते पाटील,सर्व नगरसेवक,क्रीडा रसिक उपस्थित होते
