पाठपुराव्याला यश; दत्तनगर-खंडाळी परिसरात घरोघरी वीजबिलांचे वाटप सुरू
खंडाळी (, प्रतिनिधी) : दत्तनगर संघर्ष समितीच्या सातत्यपूर्ण पाठपुराव्याला अखेर यश आले असून दत्तनगर व खंडाळी परिसरात महावितरणकडून घरोघरी जाऊन वीजबिलांचे वाटप करण्यास सुरुवात करण्यात आली आहे
.दत्तनगर संघर्ष समितीच्या वतीने दिनांक २ जुलै २०२६ रोजी महावितरणच्या संबंधित अधिकाऱ्यांना निवेदन देण्यात आले होते.
या निवेदनात परिसरातील नागरिकांना वीजबिले वेळेवर मिळत नसल्यामुळे बिल भरण्यास उशीर होत होता.
परिणामी अनेकांना विनाकारण विलंब शुल्काचा आर्थिक भुर्दंड सहन करावा लागत असल्याची बाब निदर्शनास आणून देण्यात आली होती.
समितीच्या या निवेदनाची महावितरणने दखल घेत दत्तनगर व खंडाळी परिसरातील वीजबिले घरोघरी जाऊन वाटप करण्याची कार्यवाही सुरू केली आहे.
त्यामुळे नागरिकांची गैरसोय दूर होण्यास मदत होणार असून वेळेत वीजबिल भरता येणार आहे.महावितरणने नागरिकांच्या समस्येची तातडीने दखल घेत सकारात्मक निर्णय घेतल्याबद्दल दत्तनगर संघर्ष समितीने महावितरण प्रशासनाचे आभार मानले आहेत
. तसेच ही व्यवस्था यापुढेही नियमितपणे सुरू ठेवून नागरिकांना दिलासा द्यावा, अशी अपेक्षाही समितीने व्यक्त केली आहे.
