🏆 युवा रत्न समाजभूषण जीवनगौरव पुरस्काराने सभापती दत्तात्रय रावसाहेब मगर सन्मानित

🏆 युवा रत्न समाजभूषण जीवनगौरव पुरस्काराने सभापती दत्तात्रय रावसाहेब मगर सन्मानित

दसूर (संजय निंबाळकर )शिव मल्हार गड, भोर यांच्या वतीने दरवर्षी सामाजिक व राजकीय क्षेत्रात उल्लेखनीय कार्य करणाऱ्या व्यक्तींचा गौरव करण्यात येतो.

यावर्षी माळशिरस तालुक्याचे कर्तव्यदक्ष सभापती मा. श्री. दत्तात्रय रावसाहेब मगर यांना ‘युवा रत्न समाजभूषण जीवनगौरव पुरस्कार’ प्रदान करून सन्मानित करण्यात आले.

सामाजिक क्षेत्रातील सातत्यपूर्ण उल्लेखनीय कार्य, सर्वसामान्यांच्या प्रश्नांसाठी असलेली बांधिलकी, विकासकामांचा सातत्याने केलेला पाठपुरावा तसेच समाजहितासाठी केलेल्या कार्याची दखल घेत हा मानाचा पुरस्कार प्रदान करण्यात आला.

यावेळी बोलताना, हा पुरस्कार केवळ सन्मान नसून आजवर केलेल्या कार्याला मिळालेली समाजमान्यतेची पावती असून भविष्यात अधिक जोमाने जनसेवा करण्याची प्रेरणा देणारा असल्याची भावना व्यक्त करण्यात आली.

या पुरस्कार सोहळ्यास मा. श्री. केशवजी उपाध्ये, संत तुकाराम महाराजांचे अकरावे वंशज ह.भ.प. सोहम महाराज देवकर, शिव मल्हार गडाचे महंत प्रा. मार्तंड साठे सर, लोकप्रिय व्याख्याते विक्रमसिंह मगर सर तसेच विद्यार्थी काँग्रेस महासचिव कृष्णा साठे यांच्यासह विविध क्षेत्रांतील मान्यवरांची उपस्थिती लाभली.

सामाजिक कार्याची दखल घेत मिळालेल्या या सन्मानाबद्दल मा. श्री. दत्तात्रय रावसाहेब मगर यांचे सर्व स्तरांतून अभिनंदन होत आहे. 💐👏🏻