सामाजिक कार्याचा ध्यास घेतलेला अवलिया रणजितदादा गायकवाड
अकलूज (प्रतिनिधी )काही माणसं जन्माला येतात ती आपण समाजासाठी काहीतरी देणे लागतो म्हणूनच. ही माणसे सतत सामाजिक कार्यात स्वतःला झोकून देत असतात.अगदी लहानपणापासूनच सतत आपल्या लहानग्या मित्रांना सोबत घेऊन सामाजिक कार्यात योगदान देणारा अवलिया म्हणजे माळशिरस तालुक्यातील बागेवाडी येथील रणजितदादा कांतीलाल गायकवाड हा होय.
ते सध्या श्री शिवशंभू चारिटेबल ट्रस्ट सोलापूर जिल्हा प्रमुख म्हणून काम पाहत आहेत.या ट्रस्ट मार्फत सोलापूर जिल्ह्यातील अनेक गावांमध्ये गेल्या तीन वर्षांत त्यांनी सामाजिक बांधिलकी जोपासत 21रक्तदान शिबीर आयोजित करून जवळपास सातशे बॅग रक्त संकलन करून अनेक गरजू व गरीब रुग्णांना मोफत ब्लडबॅग उपलब्ध करून दिल्या आहेत.स्वतः आत्तापर्यंत 51 वेळा रक्तदान केले आहे.
मुख्यमंत्री वैद्यकीय मदत कक्ष माळशिरस तालुका समन्वयक म्हणून काम करत असताना माळशिरस तालुक्यातील कित्येक गरिब रुग्णांना मुख्यमंत्री वैद्यकीय मदत कक्ष मार्फत मदत मिळवून दिली आहे
.याच बरोबर गरजू विद्यार्थ्यांना मोफत सायकल देऊन त्यांना मदत केली आहे. कोणत्याही उपक्रमात हिरीरीने व उत्साहानं सहभागी होऊन जबाबदारी पार पाडायची सवय त्यांनी गेल्या अनेक वर्षापासून जोपासली आहे
.त्याचप्रमाणे शिवार फाऊंडेशन सोलापूर जिल्हा संचालक म्हणून काम करत आहेत. या माध्यमातून देखील त्यांनी अनेक सामाजिक उपक्रम राबविले आहेत.ते वृक्ष प्रेमी देखील आहेत आत्तापर्यंत त्यांनी स्वतः आनेक वेळा आपल्या घराच्या परिसरात तसेच गावातील मोकळ्या जागेत वृक्षारोपण करून त्या व्रुक्षाची आजूनही देखभाल करतात.
सतत मित्रांच्या गराड्यात राहून त्यांच्या सुख दुःखात सामील होऊन त्यांनी आजपर्यंत अनेक मित्र जमवले आहेत.प्रत्येक मित्राच्या वाढदिवसाच्या निमित्त फळांचा केक कापून त्यांनी एक वेगळा पायंडा पाडला आहे.
तसेच शिवसेना शिंदे गट उपतालुकाप्रमु माळशिरस तालुका पदी कार्यरत आहेत
हे सर्वं करीत असताना ते दैनिक रोखठोक.दैनिक बाळकडू संघर्ष योध्दा न्यूज पोर्टल याचे माळशिरस तालुका प्रतिनिधी म्हणून काम करत आहेत. एव्हढेच नव्हे तर मराठा समाजाला 50%च्या आत आरक्षण मिळावे या मागणीसाठी त्यांनी अनेक आंदोलनात सक्रिय सहभाग देखील घेतला आहे.
अशा या दिलखुलास व हरहुन्नरी व्यक्तिमत्वाचा आज 12डिसेंबर रोजी वाढदिवस. त्यानिमित्ताने त्यांना वाढदिवसाच्या खूप खूप शुभेच्छा.
