अकलुज येथील मरीमाई देऊळवाले समाजासाठी महसूल प्रशासनाच्या वतीने 4ऑक्टोबर रोजी मतदार नोंदणी अभियान
अकलूज (प्रतिनिधी )अकलुज येथील मरीमाई देऊळवाले समाजासाठी महसूल प्रशासनाच्या वतीने दि 04/10/2024 रोजी विशेष मतदार नोंदणी मोहीम घेण्यात येणार आहे. त्याच बरोबर या समाजातील लोकांसाठी तहसिल कार्यालयाच्या वतीने आधार नोंदणी नविन रेशनकार्ड, युनिट कमी जास्त करणे, संजय गांधी योजनेसाठी लाभार्थी शोधण्यात येणार आहे. तसेच उपविभागीय अधिकारी माळशिरस विभाग अकलूज कार्यालयाच्या वतीने जातीच्या दाखल्यांसाठी विशेष शिबीर घेण्यात येणार आहे
उपजिल्हा रूग्णालय यांच्या वतीने वैद्यकीय शिबीरात आरोग्य तपासणी करण्यात येणार आहे. न.प. अकलूज यांच्या वतीने मुख्यमंत्री लाडकी बहीण व वयोश्री योजनेच्या लाभार्थ्यांचे अर्ज भरून घेण्यात येणार आहेत. मरिमाई/देऊळवाले समाजासाठी वरील सर्व योजनांचा लाभ एकाच ठिकाणी देण्यासाठी सभागृह, जिल्हा क्रिडा संकुल अकलूज येथे सकाळी 10-00 ते 100 या कालावधीत शिबीर घेण्यात येणार आहे.
