*मराठ्यांचा आरक्षण बाबतचा वनवास लवकर मिटावा*- *महामंडलेश्वर शांतीगिरीजी महाराज…*
अकलूज (प्रतिनिधी )जनार्दन स्वामीजींचे उत्तराधिकारी श्री श्री 1008 महामंडलेश्वर शांती गिरिजी महाराजांनी मराठा वनवास यात्रेला भेट दिली. लाखों बाबाजी अनुयायांच्या वतीने पाठिंबा देखील जाहीर केला.
11 जुलै रोजी आझाद मैदान मुंबई येथे मराठा वनवास यात्रेच्या आंदोलन स्थळी शांती गिरीजी महाराजांनी भेट दिली. यावेळी शेकडो अनुयायी व मराठा बांधव उपस्थित होते. यावेळी बोलताना शांती गिरीजी महाराज म्हणाले, “छत्रपती शिवाजी महाराजांचा आत्मा म्हणजे मराठा समाज आहे. आपल्या सर्वांच्या मध्ये महाराजांचा अंश आहे. तुळजापूर च्या मराठा बांधवांनी 500 किलोमीटर अंतर पायी चालत मुंबई गाठली, ही साधी गोष्ट नाही..
आज राज्यात तीन मोठ्या नेत्यांचे सरकार आहे. एकनाथ शिंदे साहेब, देवेंद्र फडणवीस साहेब तसेच अजितदादा पवार या तीन ब्रम्हा विष्णू महेश यांनी मराठ्यांच्या आरक्षणाची मागणी मंजूर करावी.. या तरुणांच्या नेतृत्वात सुरू झालेला हा लढा यशस्वी व्हावा आणि मराठ्यांचा सुरू असलेला वनवास मिटावा अशी मागणी शांतीगीरिजी महाराजांनी केली.”
यावेळी महाराजांच्या हस्ते छत्रपती शिवाजी महाराजांच्या पुतळ्याला हार घालून अभिवादन केले.
यावेळी माध्यमांशी बोलताना योगेश केदार म्हणाले. आज शंतीगीरिजी महाराजांनी आमच्या मराठा वनवास यात्रेला लाखों बाबाजी संप्रदायाचा वतीने आशीर्वाद दिले. या प्रसंगी आम्ही सरकार ला चेतावणी देतो, येत्या विधानसभेच्या पावसाळी अधिवेशनात 50% च्या आतील ओबीसी आरक्षण मराठ्यांना लागू करण्याचा कायदा करावा. अन्यथा येणाऱ्या 2024 च्या लोकसभा विधानसभा निवडणुकीत या सरकार ला किंमत मोजावी लागेल. केवळ 17% लिंगायत समाजाने कर्नाटक मध्ये भाजप चे सरकार घालवले. इथे आम्ही मराठे तर 32% पेक्षा जास्त आहोत.
म्हणून जो पक्ष ओबीसी आरक्षण लागू करेल त्यालाच समर्थन करू. नाहीतर जो पक्ष आणि नेता या भूमिकेचा विरोध करेल त्या पक्ष आणि नेत्यांवर बहिष्कार घालू. मराठ्यांचा हक्क 50% च्या आत ओबीसी आरक्षण मध्ये आहे तो मिळाल्या शिवाय आम्ही माघार घेणार नाही. असे वक्तव्य वनवास यात्रेचे आयोजक सुनील नागणे यांनी केले. यावेळी मराठा वनवास यात्राचे आयोजक योगेश केदार, आयोजक सूनीलजी नागणे, रणजित भाकरे चव्हाण, लक्ष्मण मुळुक, नितीन लोमटे, सूरज आगे जी, व अन्य मराठा बांधव उपस्थित होते.
