‘मराठा वनवास यात्रा’ पूर्वतयारी बैठक बावडा येथे पार पडली.
केवळ अर्ध्या तासाच्या पूर्व सूचनेवरून देखील मोठ्या प्रमाणात लोक उपस्थित होते. येत्या 06 मे रोजी तुळजापूर येथून मराठ्याना ओबीसी आरक्षण मिळावे यासाठी ‘मराठा वनवास यात्रा’ काढण्यात येणार आहे. ही वनवास यात्रा’ तुळजापूर वरून निघून मुंबई पर्यंत चालत जाणार आहे. या वनवास यात्रेमध्ये लाखो लोक सहभागी होतील. रामाला केवळ 14 वर्षेच वनवास भोगावा लागला परंतु मराठ्यांना आरक्षणासाठी अनेक दशके वनवास भोगावा लागत आहे. तो वनवास मिटवण्यासाठी ही यात्रा असणार आहे. सदर ‘मराठा वनवास यात्रा’ इंदापूर मार्गे पुणे आणि तिथून पुढे मुंबई मंत्रालयाच्या दिशेने जाणार आहे. 16 मे रोजी ही यात्रा इंदापूर तालुक्यात प्रवेश करेल. पुढे अनेक गावांमध्ये मुक्काम, आणि अनेक गावांमध्ये सभा देखील होणार आहेत. त्यासाठीची पूर्वतयारी बैठक आज इंदापूर तालुक्यातील बावडा येथे पार पडली. अंधार असताना देखील या बैठकीत तरुण आणि समाजातील प्रमुख लोक मोठ्या संख्येने उपस्थित होते.या बैठकीला श्री योगेश केदार यांनी वनवास यात्रे बाबत मार्गदर्श केले. बैठकीचे आयोजन पवनराजे घोगरे यांनी केले. सदर बैठकीत अजय पाटील दादासाहेब कवडे नरसिंह घोगरे अशोक मगर प्रतिक घोगरे सचिन सावंत आशिष नायकुडे विशाल घाडगे गुरुदेव घोगरे रोहन घोगरे अजिंक्य घोगरे सुनिल घोगरे आण्णा कदम, तानाजी बागल, रणजित चव्हाण, हे यावेळी उपस्थित होते.
