*२२ व २३ एप्रिल रोजी अकलूजकर अनुभवनार आयपीएलचा थरार*
अकलूज/प्रतिनिधी :
सोलापूर जिल्हा क्रिकेट असोसिएशनचे चेअरमन आ.रणजितसिंह मोहिते-पाटील यांच्या प्रयत्नातून २२ व २३ एप्रिल रोजी अकलूज येथील विजयसिंह मोहिते-पाटील क्रीडा संकुल मध्ये बीसीसीआई कडून टाटा आयपीएल फॅन पार्कची उभारणी केली जाणार असून क्रीकेट चाहत्यांना विनामूल्य आयपीएलचा थरार अनुभवता येणार आहे.विविध राज्यांमध्ये क्रिकेट चाहत्यांना विनामूल्य सामने पाहण्यासाठी आयपीएल फॅन पार्क तयार करते. या दरम्यान, मोठ्या स्क्रीनवर थेट सामना दाखला जातो.जिथे बसण्याची व्यवस्था असते, यासोबतच काही उपक्रमही ठेवले जातात. चाहत्यांना आयपीएलशी अधिक बांधून ठेवण्यासाठी आणि स्टेडियमसारखा आनंद देणे हा यामागचा उद्देश आहे असे सोलापूर जिल्हा क्रीकेट असोसिएशनचे ज्वाईट सेक्रेटरी धैर्यशिल मोहिते-पाटील यांनी सांगितले.२२ एप्रिल रोजी गुजरात टाईटन विरूद्ध लखनऊ जायंट व मुंबई इंडियन्स विरूद्ध पंजाब इलेव्हन २३ एप्रिल रोजी राॅयल चॅलेंजर्स बंगलोर विरूद्ध राजस्थान रॉयल्स तर चेन्नई विरूद्ध कोलकता या आयपीएल मॅचेस रणसंग्राम सर्व वयोगटातील चाहत्यांसाठी करमणुकीच्या विविध पर्यायांसह भव्य स्क्रीनवर विनामूल्य थेट अॅक्शन पहाता येणार आहे.
