पोलीस मित्र परिवार संघ महाराष्ट्र राज्य च्या नूतन अध्यक्षपदी विश्वजीत रमेश सुरवसे पाटील यांची निवड.
अकलूज (प्रतिनिधी )पोलीस मित्र परिवार संघ महाराष्ट्र राज्य चे संस्थापक अध्यक्ष व अकलूज पोलीस ठाणे चे कर्तव्यदक्ष पोलीस हवालदार कै.रमेश नामदेव सुरवसे -पाटील यांचे 10मार्च रोजी हृदयविकाराच्या धक्याने निधन झाले.26मार्च रोजी अकलूज पोलीस ठाणे येथील पोलीस मित्र सुविधा केंद्र येथे शोक सभेचे आयोजन करण्यात आले होते.यावेळी कै. रमेश सुरवसे यांनी केलेल्या कार्याचा आढावा घेऊन त्यांना श्रद्धांजली अर्पण करण्यात आली.त्याचप्रमाणे पोलीस मित्र परिवार संघ महाराष्ट्र राज्य च्या नूतन अध्यक्षपदी कै, रमेश सुरवसे यांचे चिरंजीव विश्वजीत (भैय्या )सुरवसे -पाटील यांची सर्वानुमते निवड करण्यात आली.यावेळी राज्य संघटक प्रमुख विष्णू आंधळकर,राज्य संघटक- रशीद शेख,मंगेश बुराडे,श्रीकांत धनवडे,सुनील भगत, सौ. रुपाली गांधी,नंदू कांबळे,पत्रकार गणेश जाधव.व पोलीस मित्र परिवार संघ महाराष्ट्र राज्य चे इतर सदस्य उपस्थित होते.यावेळी बोलताना नूतन अध्यक्ष विश्वजीत सुरवसे पाटील यांनी सांगितले की, कै. रमेश सुरवसे पाटील यांनी केलेल्या कार्याचा आदर्श घेऊन यापुढे देखील पोलीस मित्र परिवार संघाचे काम सुरु राहणार असून, सर्व नागरिकांच्या विविध समस्या सोडविण्यासाठी प्रामाणिकपणे प्रयत्न करणार असल्याचे सांगितले.तसेच महाराष्ट्र राज्यातील नागरिकांनी पोलीस मित्र परिवार संघाचे सदस्य होऊन सामाजिक कार्यात सहभागी व्हावे. असे आवाहन केले.याप्रसंगी नूतन अध्यक्ष विश्वजीत सुरवसे पाटील यांचा पोलीस मित्र परिवार यांच्या वतीने सन्मान करण्यात आला.
