आमदार श्रीकांत भारतीय यांची आगामी निवडणूकी च्या पार्श्वभूमीवर भाजपा महाविजय 2024साठी प्रदेश संयोजक पदी नियुक्ती
अकलूज (प्रतिनिधी )भाजपा ने आगामी निवडणुकी च्या पार्श्वभूमीवर *महाविजय 2024*असा महत्वकांक्षी संकल्प केला असून, विधानपरिषद चे आमदार श्रीकांत भारतीय यांची प्रदेश संयोजक म्हणून महाराष्ट्र राज्याचे उप मुख्यमंत्री देवेंद्र फडणवीस आणि विधानपरिषद चे आमदार व भाजपा चे महाराष्ट्र राज्याचे अध्यक्ष चंद्रशेखर बावनकुळे यांनी त्यांची नियुक्ती केली आहे.आ. श्रीकांत भारतीय यांनी आजपर्यंत पक्ष वाढीसाठी केलेल्या प्रामाणिक प्रयत्नांची दखल घेऊन ही निवड करण्यात आली आहे.देवेंद्र फडणवीस हे मुख्यमंत्री असताना पक्षाची पकड राज्यातील ग्रामीण भागात मजबूत करण्यासाठी व्यूहनीती तयार करण्यात आली. यात श्रीकांत भारतीय यांची महत्त्वाची भूमिका होती.विधान परिषदेसाठी भाजपमध्ये अनेक दिग्गज स्पर्धेत असताना मूळचे अमरावतीकर श्रीकांत भारतीय यांना संधी देण्यात आली . भाजपच्या प्रदेश पातळीवरील राजकारणात आजवर पडद्याआड राहून काम करणाऱ्या भारतीय यांना त्यांच्या पक्षसंघटनात्मक बांधणीतील योगदानाचे बक्षीस मिळाले आहे. अभाविप कार्यकर्ता ते भाजपचे पडद्यामागील रणनीतीकार आणि आता विधान परिषदेतील आमदार असा श्रीकांत भारतीय यांचा प्रवास झाला असून पश्चिम विदर्भातील भाजप पक्षसंघटन बळकट करण्याची जबाबदारी त्यांच्यावर असणार आहे.नागपूर आणि त्यानंतर मुंबई हे त्यांचे कार्यक्षेत्र राहिले आहे. अमरावती जिल्ह्यातील मूळ रहिवासी असले, तरी त्यांचा अधिक वावर हा प्रदेश पातळीवरील राजकारणात राहिला आहे. एक अभ्यासू नेते म्हणून त्यांची ओळख आहे. परतवाडा येथे शेतकरी, शिक्षक कुटुंबात जन्मलेल्या श्रीकांत भारतीय यांनी शेतकरी संघटनेत काम करताना शेतकरी आंदोलनातही सहभाग घेतला होता. प्राध्यापक, पत्रकार म्हणून त्यांनी काम केले.१९८५ पासून अखिल भारतीय विद्यार्थी परिषदेचे कार्यकर्ते, विदर्भाचे प्रदेश संघटनमंत्री, आसाममधल्या बोडो अल्फा चळवळींवर अभ्यासक म्हणून काम, १९९४ पासून पूर्णवेळ भाजपचे कार्यकर्ते, नागपूर शहर संघटन मंत्री, नागपूर विभाग संघटन मंत्री, २००० ते २००६ युवा मोर्चा प्रदेश संघटन मंत्री, पुणे विभाग संघटन मंत्री, २०१४ च्या लोकसभा निवडणुकीत ‘वॉर रूम’चे प्रमुख, २०१४ च्या विधानसभा निवडणुकीत ‘प्रदेश निवडणूक व्यवस्थापन समिती समन्वयक’, २०१५ ते २०१९ तत्कालीन मुख्यमंत्री देवेंद्र फडणवीस यांचे विशेष कार्य अधिकारी, २०२० पासून भाजपाचे प्रदेश सरचिटणीस अशी श्रीकांत भारतीय यांची कारकीर्द आहे.देवेंद्र फडणवीस हे मुख्यमंत्री असताना पक्षाची पकड राज्यातील ग्रामीण भागात मजबूत करण्यासाठी व्यूहनीती तयार करण्यात आली. यात श्रीकांत भारतीय यांची महत्त्वाची भूमिका होती, असे सांगितले गेले. राज्यातील नगर पंचायतींच्या निवडणुकीत भाजपने चांगली कामगिरी केली. भाजपचे प्रदेशाध्यक्ष चंद्रकांत पाटील यांच्यासोबतही त्यांचे चांगले संबंध राहिले आहेत.विधानपरिषद चे आमदार रणजितसिंह मोहिते पाटील, भाजपा चे सोलापूर जिल्हा संघटन सरचिटणीस धैर्यशील मोहिते पाटील तसेच माळशिरस विधानसभा चे आमदार राम सातपुते यांचेबरोबर देखील त्यांचे जिव्हाळ्याचे संबंध आहेत.पश्चिम महाराष्ट्रात पक्षाच्या संघटनात्मक बांधणीसाठी त्यांनी बरेच परिश्रम घेतले. अनेक भागात कार्यक्रमांच्या माध्यमातून त्यांनी स्थानिक कार्यकर्त्यांसोबत जवळीक वाढवली. त्यांच्या या कामाचा आणि अनुभवाचा पक्षाला निश्चितपणे फायदा होणार आहे.त्यांची प्रदेश संयोजक म्हणून निवड झाल्यामुळे आगामी निवडणुकीत रणनीती ठरविण्यासाठी त्यांच्या पदाचा उपयोग होणार आहे.दरम्यान या निवडी बद्दल त्यांचे सर्व स्तरातून अभिनंदन केले जात आहे.
