*आपत्कालीन व्यवस्थापन काळाची गरज… होमिओपॅथी तज्ञ डॉ.अमरसिंह निकम..
*पुणे.. दि.10 फेब्रुवारी 2023 रोजी राष्ट्रसंचार , सिंहगड इन्स्टिट्यूट ऑफ बिझनेस अडमिंस्ट्रेशन अँड रिसर्च आणि पुणे जिल्हा होमिओपॅथिक डॉक्टर्स संघटना यांच्या संयुक्त विद्यमानाने आपत्कालीन परिस्थितीत काय काळजी घेतली पाहिजे यासाठी डॉ. राजेंद्र जगताप यांची “देवदूत ” ही एकदिवसीय कार्यशाळा कोंढवा येथे पार पडली. कार्यशाळेचे उद्घाटन होमिओपॅथीचे तज्ञ डॉ. अमरसिंह निकम यांच्या हस्ते करण्यात आले.यावेळी महाराष्ट्र कौन्सिल ऑफ होमिओपॅथीचे प्रशासकीय सदस्य डॉ.बाळकृष्ण गायकवाड, सिंहगड इन्स्टिट्यूटचे संचालक प्रा. धनंजय मंडलिक, जिल्हा होमिओपॅथिक संघटनेचे अध्यक्ष डॉ. अजय तायडे, महिला विभाग प्रमुख डॉ. नयना सोनवणे, कोथरूड विभाग प्रमुख डॉ.राजकुमार अंबड, जिल्हा सदस्य डॉ. पुष्कर बिराजदार डॉ. दयानंद पवार, डॉ.राजेंद्र वाकचौरे, डॉ.अजय खुठवड, डॉ.सुचित्रा निकम, राष्ट्रसंचारच्या शबनम शेख, सौ.सारिका रोझेकर , सोमनाथ जाधव इ.उपस्थित होते.हार्ट अटॅक ( हृदय बंद)यासारख्या आपत्कालीन काळामध्ये सामान्य नागरिकांनी अपघात ग्रस्त व्यक्तीचा जीव वाचावण्यासाठी काय करायला पाहिजे हे प्रात्यक्षिकासह पुणे येथील जागतिक स्तरावरील आपत्कालीन व्यवस्थापन प्रशिक्षक डॉ. राजेंद्र जगताप यांनी दाखवले. अपघातग्रस्त परिस्थितीमध्ये मदत करताना सर्वप्रथम आपण सुरक्षित आहोत का, रुग्ण नेमका कोणत्या कारणाने बेशुद्ध पडला आहे हे कसे ओळखायचे, गोंधळून न जाता 108 नंबरला फोन करणं , मदतीला लोकांना बोलवणं , आणि कोणतेही अद्यावत वैद्यकीय उपकरण सोबत नसताना रुग्णाचा श्वास आणि हृदय कसं सुरू करायचे याचे प्रात्यक्षिक दाखवण्यात आलं. याशिवाय सर्पदंश, श्वासनलिकेत वस्तू अडकून श्वास गुदमरणे, इलेक्ट्रिक शॉक लागणं, पाण्यामध्ये बुडलेल्या व्यक्तीला नेमकी कशी मदत करायची हे प्रत्यक्षिकासह डॉ.राजेंद्र जगताप यांनी सांगितलं. उद्घाटनपर भाषणात होमिओपॅथि तज्ञ डॉ. अमरसिंह निकम यांनी आपत्कालीन परिस्थितीमध्ये काय करू नये हे सुद्धा माहित असणं गरजेचं असल्याचे सांगत या उपक्रमाला शुभेच्छा दिल्या. स्वागतपर भाषणात प्रा.धनंजय मंडलिक यांनी आरोग्यविषयक जनजागृतीसाठी देवदूत सारख्या कार्यक्रमाची गरज असून आमची संस्था नेहमीच अग्रेसर असून यापुढेही अशा उपक्रमांना आमची संस्था मदत करेल असे सांगितले.चर्चासत्राचा प्रत्यक्ष 350 नागरिकांनी व फेसबुकद्वारे 1500 नागरिकांनी लाभ घेतला.सूत्रसंचलन मंजुषा कुळकर्णी यांनी केले तर आभार डॉ.अजय तायडे यांनी मानले..
