*चौंडी ते इंदौर पुण्यश्लोक अहिल्यादेवी होळकर यांच्या जन्मभूमि ते कर्मभूमी रेल्वेमार्गासाठी केंद्रीय रेल्वेराज्य मंत्री रावसाहेब दानवे यांना आ.मोहिते-पाटील यांचे निवेदन**पंढरपुर लोणंद रेल्वेमार्ग लवकर व्हावा यासाठी आ.मोहिते-पाटीलांचे केंद्रीय रेल्वेराज्यमंत्र्यांना साकडे*
अकलूज (प्रतिनिधी;) आ.रणजितसिंह मोहिते-पाटील यांनी नवी दिल्ली येथे केंद्रीय रेल्वेराज्यमंत्री रावसाहेब दानवे यांची भेट घेत चौंडी ते इंदौर रेल्वे दवारे पुण्यश्लोक अहिल्यादेवी होळकर यांची जन्मभुमी ते कर्मभुमी जोडण्याबाबतचे निवेदन दिले तसेच माढा लोकसभा मतदार संघातील महत्वाचा प्रश्न म्हणुन लोणंद-फलटण-पंढरपूर रेल्वेमार्गाला गती देण्याची मागणी केली.जेऊर-चौंडी-आष्टी हा ७८ कि.मी च्या रेल्वे मार्गाला तत्कालीन रेल्वेमंत्री मा.सुरेशजी प्रभु साहेब यांनी तत्कालीन खा.विजयसिंह मोहिते पाटील साहेब यांच्या मागणीची दखल घेवुन सन २०१६ मध्ये सर्वेक्षणाला मंजुरी देवुन सन २०१७ च्या अर्थसंकल्पात १ हजार ५६० कोटी रु तरतुद करण्यात आली होती.जेऊर ता-करमाळा येथून निघालेला हा मार्ग आष्टी येथे अहमदनगर-परळी या मार्गाला जोडणे अभिप्रेत आहे.त्यामुळे पंढरपूर-करमाळा-चौंडी-आष्टी- अहमदनगर-शिर्डी-इंदौर असा नवा मार्ग तयार होणार आहे.त्यामुळे राजमाता अहिल्यादेवी होळकर यांची जन्मभुमी आणि कर्मभुमी जोडली जाणार असुन अहिल्यादेवींनी जिर्णोद्धार केलेले श्री विठ्ठल-रुक्मिणी मंदिर,पंढरपुर बरोबर,श्री कमलाभवानी माता मंदिर,करमाळा व शिर्डी येथील साईबाबा देवस्थान ही जोडले जाणार आहे.तसेच लोणंद-पंढरपुर रेल्वे मार्गाची मागणी सातत्याने होते आहे.मा.खा विजयसिंह मोहिते पाटील यांनी वेळोवेळी केंद्रसरकारकडे पाठपुरावा केला आहे त्यानुसार काही प्रणाणात निधीची तरतुदही करण्यात आली आहे.सद्यस्थितीत लोणंद ते फलटण एवढाच मार्ग पूर्ण झाला.पण त्यानंतरचा फलटण ते पंढरपूर हा जवळपास १०५ किलोमीटर लांबीचा रेल्वेमार्ग अद्यापही पूर्ण झालेला नाही.राज्याचे उपमुख्यमंत्री मा.देवेंद्रजी फडणवीस यांनी रेल्वे प्रकल्पात राज्याचा सहभागाअंतर्गत पंढरपुर लोणंद रेल्वेमार्गासाठी ६०० कोटी रुपये देणार असल्याची घोषणा केली आहे.केंद्र सरकारने लवकरच उरर्वरित निधीची तरतुद करुन रखडलेल्या रेल्वे मार्गाला गती देण्याची आ.रणजितसिंह मोहिते-पाटील यांनी मंत्री रावसाहेब दानवे यांच्याकडे यावेळी मागणी केली.
