अकलूज येथील अवघ्या सात वर्षाच्या शिवबा भुतनाळ व पाच वर्षाच्या शिवज्ञा भुतनाळ यांनी केला दुर्गेदुर्गेश्वर रायगड सर
अकलूज (प्रतिनिधी )रायगड हे आपल्या धार्मिक , ऐतिहासिक , सांस्कृतिक वारशाचे संपन्न असे ठिकाण आहे . हे ठिकाण म्हणजे केवळ पर्यटनासाठी नसून देशाटनासाठी म्हणजे देश काल स्थिती जाणण्यासाठी आहे. हा उदात्त हेतू मनी बाळगून अकलूज येथील राष्ट्रीय स्वयंसेवक संघ,शिव प्रतिष्ठान हिंदुस्थान,वारसा परिवार,यांच्या वतीने 3ते 4डिसेंबर रोजी रायगड देशाटन चे आयोजन करण्यात आले होते. सदर मोहिमेत 190मावळे आणि रणरागिणी यांनी सहभाग घेतला होता.सदर मोहीम फत्ते करण्यासाठी शिवाजी घोडके, रोहित सूर्यवंशी,गणेश इंगळे,सुधीर पवार,राहुल माने,हर्षवर्धन भुतनाळ, लक्ष्मीकांत वाघे,सूरज सूर्यवंशी,सचिन शिंदे,सागर देवकाते,दिपराज माने देशमुख ,दिपक चिंतामनी,प्रतीक्षा ताई माने देशमुख,वर्षाताई गायकवाड यांनी यशस्वी नियोजन करून प्रयत्नांची पराकाष्टा केली.सदर मोहिमेत सहभागी झालेल्या सर्वांना धैर्यशील मोहिते पाटील व शितलदेवी मोहिते पाटील यांनी स्वतः उपस्थित राहून शुभेच्छा दिल्या होत्या.या मोहिमेत अकलूज येथील भुतनाळ कुटूंबातील सदस्य देखील सामील होते.छत्रपती शिवाजी महाराज यांची स्वराज्याची राजधानी असलेल्या किल्ले रायगडावर आपल्या मुलांना घेऊन जाण्याचा निर्णय त्याच्या वडिलांनी केला.माळशिरस तालुक्यातील अकलूज येथील हर्षवर्धन भुतनाळ व अंबिका भुतनाळ यांच्या अवघ्या सात वर्षाच्या शिवबा हर्षवर्धन भुतनाळ व पाच वर्षाच्या शिवज्ञा या बहीण -भाऊ चिमुकल्यानी दुर्गे दुर्गेश्वर रायगड अवघ्या पावणे दोन तासात सर केला. वडिलांनी आपल्या छोटया कन्येला पाठकुळी घेतले होते.समुद्रसपाटी पासून 820मिटर व 2700फुटावरील रायगड किल्ला चढताना कोणत्याही आधाराविना 1737पायर्‍या पार केल्याबद्दल त्यांचे सर्वत्र कौतुक होत आहे. अकलूज येथील विजय चौक येथे छोटेसे हॉटेल चालवीत असलेले हर्षवर्धन भुतनाळ यांचा मुलगा शिवबा हा इयत्ता दुसरीत शिकत आहे. तर छोटी बहीण छोटा गटात आहे. आई-वडील रायगड किल्ल्याच्या पायथ्याशी पोहचल्यानंतर वडिलांनी आपला मुलगा शिवबा याला विचारले रोप वे ने जायचे का? यावर त्याने पायर्‍या चढून जाण्याचा निर्धार आपल्या कोवळ्या आवाजात व्यक्त केला. त्यांनतर त्याचा उत्साह पाहून सर्वांनी किल्ले रायगडच्या पायर्‍या चढण्यास सुरुवात केली. शिवबा न थकता किल्ले रायगडावर पोहचण्यासाठी असलेल्या 1737पायर्‍यांचे दिव्य पार करून केवळ पावणे दोन तासात पोहचला.2700फूट उंचीवरील किल्ले रायगडावर पोहचल्यावर त्याने प्रथम होळीच्या माळावरील छत्रपती शिवाजी महाराज यांच्या पुतळ्याला अभिवादन केले. त्यावेळी त्या परिसरात उपस्थित सर्वांनी कामगिरीचे कौतुक केले.त्यानंतर महादरवाजातून राजदरबारातील मेघडंबरी येथील छत्रपती शिवाजी महाराजांच्या सिंहासनधिष्टीत पुतळ्याला नमन केले. वर्षाचा असून पालकांना उचलून घ्या, असे न सांगणारा शिवबा 1737 पायर्‍या चढून गेल्यावर थकला असेल, असे सर्वाना वाटले होते. मात्र पावणे दोन तासांचे अंतर चढून गेल्यावरही तो थकला नव्हता.गडावर पोहचल्यावर या कुटूंबाने पाचाड येथील जिजाबाईंचा वाडा,महादरवाजा,चोरदिंडी,हत्ती तलाव,गंगासागर तलाव ,स्तंभ ,पालखी दरवाजा ,मेणा दरवाजा ,राणीवसा,राजभवन ,रत्‍नशाळा ,राजसभा ,नगारखाना ,बाजारपेठ ,होळीचा माळ,शिरकाई देऊळ ,जगदीश्वर मंदिर,महाराजांची समाधी ,कुशावर्त तलाव ,वाघदरवाजा ,टकमक टोक ,हिरकणी टोक ,वाघ्या कुत्र्याची समाधी ,तसेच गडावर असणारी इतर ही अनेक सर्व ऐतिहासिक स्थळे याची देही याची डोळा पाहून आपल्या मनात वारसा जपत सर्वांनी संध्याकाळी महाराजांच्या समाधी स्थळी नतमस्तक होऊन शिववंदना गाऊन, आरती करून गडाच्या पायऱ्या उतरण्यास सुरुवात केली.रायगड किल्ल्यावर दररोज शेकडो पर्यटक पायर्‍या चढून जातात. त्यात लहानांपासून वृद्धांपर्यंत सर्वच असतात. मात्र सात वर्षाच्या मुलाने सर्व पायर्‍या चढून पोहचणे म्हणजेच अन्य किल्ले सर करण्याचा प्रवास सुरु होणार यात शंका नसून त्याने महाराजांचे सर्व किल्ले सर करावेत,याच त्याला शुभेच्छा.
