एकाच मंडपात दोन मुलींबरोबर लग्न केलेल्या अतुल आवताडे चे पूर्वीच झाले होते लग्न. पिंकी आणि रिंकी ची महिला आयोगाकडे धाव.
अकलूज (प्रतिनिधी )२ डिसेंबर रोजी अतुल अवताडे याने मुंबईच्या रिंकी आणि पिंकी पाडगावकर या जुळ्या बहिणीसोबत लग्नाचा घाट घातला.अकलूज वेळापूर रस्त्यावर असलेल्या हॉटेल गलांडे मध्ये अतिशय धुमधडाक्यात हे लग्न झाले.त्यानंतर सोशल मीडियावर फोटो आणि व्हिडीओ व्हायरल झाले होते.. दोन मुलींसोबत एकाच वेळी लग्न केल्याने हे लग्न कायद्यात बसत नाही म्हणून अकलूज पोलीस ठाणे मध्ये अतुल विरोधात ४९४ कलमा अंतर्गत गुन्हा दाखल करण्यात आला . पहिली पत्नी हयात असताना लग्न कायद्यात बसत नसल्याने अकलूज पोलिसांनी हे प्रकरण चौकशीसाठी हातात घेतले होते. त्यावर राज्य महिला आयोगा कडून देखील आवाज उठवण्यात आला होता. या प्रकरणाची चौकशी व्हावी अशी मागणी महिला आयोगाच्या अध्यक्षा रुपाली चाकणकर यांनी केली होती.मात्र लग्न झाल्यानंतर अवघ्या काही दिवसातच आता या प्रकरणी एक धक्कादायक खुलासा करण्यात आला आहे. अतुल अवताडे याचे अगोदरच एक लग्न झाले होते अशी माहिती आता चौकशीतून समोर आली आहे. अतुल चे अगोदरच एक लग्न झाले होते ही माहिती त्याने आमच्यापासून लपवून ठेवली होती. ही बाब रिंकी आणि पिंकी समोर उघड झाल्याने या दोघींनी दाद मागितली आहे. सुरूवातीला अतुल यांच्यावर गुन्हा दाखल करण्यात आला होता तेव्हा या तिघांनी संगनमताने लग्न केले असल्याचे स्पष्ट केले होते. आम्ही सज्ञान आहोत आणि या लग्नाला आमच्या तिघांचीही संमती होती असे त्यांनी म्हटले होते. अतुल हा बीजनेसमन आहे त्याचा ट्रॅव्हल्सचा व्यवसाय आहे. रिंकी आणि पिंकी यांच्याशी मैत्री झाल्यानंतर अतुलचे त्यांच्या घरी खूपदा येणे जाणे असायचे. या दोघी बहिणी लहानपणा पासून एकत्र खेळल्या वाढल्या त्यामुळे लग्न देखील एकाच मुलाशी करणार असं त्यांनी अगोदरच ठरवून ठेवलेलं होतं. या दोघी बहिणी आणि त्यांची आई आजारी पडल्या त्या दरम्यान अतुल त्यांना दवाखान्यात घेऊन गेला त्या सर्वांची काळजी करू लागला. तेव्हापासून अतुल देखील या दोघींच्या प्रेमात पडला. इंजिनिअर आणि आयटी क्षेत्रात काम करत असलेल्या दोघी बहिणींनी अतुल सोबत लग्नाची गाठ बांधली आणि हे लग्न संपूर्ण महाराष्ट्रात चर्चेत आलं.अतुल विवाहित होता हे या दोघींना समजले असल्याने या दोघींनी कायद्याचा आधार घेत दाद मागितली आहे. या प्रकरणाची चौकशी करण्याचे आदेश महिला आयोगाच्या अध्यक्षा रुपाली चाकणकर यांनी केली होती. त्यावेळी त्यांनी ट्विट करीत म्हटले होते की, ‘सोलापूर येथील एका तरुणाने मुंबईतील जुळ्या बहिणींशी एकाच मांडवात लग्न केले आहे. ह्या लग्नाची सोशल मीडियावर चर्चा सुरू आहे. तसेच माध्यमातून ह्या लग्नाच्या बातम्या सुरू आहेत. भारतीय दंड संहितेच्या कलम ४९४ प्रमाणे हा गुन्हा आहे. तरी सोलापूर पोलीस अधीक्षक आपण उपरोक्त बाबत चौकशी करून त्वरित कायदेशीर कारवाई करावी. तसेच केलेल्या कारवाई बाबतचा अहवाल महाराष्ट्र राज्य महिला आयोग अधिनियम १९९३ चे कलम १२ (१) व १२ (२) अन्वये तात्काळ सादर करावा’.असे सांगितले होते.दरम्यान आता अतुल चे पूर्वीच लग्न झाले होते हे सत्य समोर आल्यानंतर पुढे काय होणार. याकडे सर्वांचे लक्ष लागले आहे.
