अकलूज नगर परिषद येथे आयुष्यमान कार्ड व आभा कार्ड नोंदणी शिबिरास सुरुवात.
अकलूज (प्रतिनिधी )2 नोव्हेंबर रोजी नगरपरिषद अकलूज येथे आयुष्यमान कार्ड व आभा कार्ड नोंदणी ‘ शिबीरास प्रारंभ झाला असुन,सोलापूर जिल्हा भारतीय जनता पार्टीचे संघटन सरचिटणीस धैर्यशिल मोहिते पाटील व अकलूज नगरपरिषद चे मुख्याधिकारी दयानंद गोरे, उपजिल्हा रुग्णालय चे वैद्यकीय अधिक्षक डॉक्टर गुडे, माळशिरस तालुका आरोग्य अधिकारी डॉक्टर रामचंद्र मोहिते ,तसेच माळीनगर आरोग्य केंद्राचे डॉक्टर जाधव व या योजनेचेवरिष्ठ जिल्हा समन्वयक डॉ. रवी भोपळे, अकलूज नगर परिषदेतील सर्व कर्मचारी वर्ग यांच्या प्रमुख उपस्थितीत या शिबिराचा शुभारंभ करण्यात आला परिसरातील सर्व नागरिकांनी या योजनेचा जास्तीत जास्त लाभ घ्यावा असे आवाहन करण्यात आले आहे. एकत्रित आयुष्यमान भारत ,प्रधान मंत्री जन आरोग्य योजना व महात्मा ज्योतिराव फुले जन आरोग्य योजनेचा उद्देश: राज्यातील अल्प उत्पन्न असलेल्या कुटुंबांसाठी गंभीर आजारांवरील उपचारांसाठी पुर्णपणे नि:शुल्क गुणवत्तापूर्ण आरोग्य सुविधेचा लाभ विशेष सेवांतर्गत अंगीकृत शासकीय आणि खासगी रुग्णालयांमधून उपलब्ध करून देणे.आपल्या सोलापूर जिल्ह्यामध्ये एकूण ४४ खाजगी रुग्णालय व ७ शासकीय रुग्णालय या योजने अंतर्गत सुविधा देण्यासाठी उपलब्ध आहेत. तरी १.आयुष्मान भारत प्रधान मंत्री जन आरोग्य योजनेचा लाभ घेण्यासाठी : लाभार्थी : सामाजिक, आर्थिक व जातनिहाय नोंदणी सन २०११ नुसार नोंदीत ग्रामीण व शहरी भागातील कुटुंबे लाभ घेण्यासाठी : आयुष्मान कार्ड (ई – कार्ड) व फोटो ओळखपत्र ( आधार कार्ड, पॅन कार्ड…इत्यादी ) आयुष्यमान कार्ड प्राप्त करण्यासाठी : आयुष्मान कार्ड (ई कार्ड) बनवण्यासाठी आपले शिधापत्रिका(रेशन कार्ड)आधार कार्ड, आधार कार्डशी जोडलेले मोबाइल नंबर तसेच असल्यास मा. प्रधान मंत्री महोदयांचे पत्र घेऊन आपल्या नजीकच्या शासकीय उपजिल्हा रुग्णालय, ग्रामीण रुग्णालय, प्राथमिक आरोग्य केंद्र, आरोग्य उपकेंद्र तसेच या योजनेचे अंगीकृत रुग्णालय व आपले सरकार सेवा केंद्र या ठिकाणी भेट देऊन आपण ‘ आयुष्मान कार्ड(ई कार्ड) नोंदणी करू शकता. महात्मा ज्योतिराव फुले जन आरोग्य योजनेचा लाभ घेण्यासाठी : लाभार्थी : 1.पिवळे, केशरी, अंत्योदय अन्न योजना, अन्नपूर्णा योजना शिधापत्रिका धारक कुटुंबे 2.औरंगाबाद व अमरावती विभागातील सर्व जिल्हे तसेच नागपूर नागपूर विभागातील वर्धा या शेतकरी अवर्षणग्रस्त जिल्ह्यातील शुभ्र शिधापत्रिका शेतकरी कुटुंबे या योजनेचे आहेत.3.शासकीय आश्रम शाळेतील विद्यार्थी, शासकीय महिला आश्रमातील महिला, शासकीय अनाथ आश्रमातील मुले,शासकीय वृद्धश्रमातील जेष्ठ नागरिक, माहिती व जनसंपर्क कार्यालयाकडील निकषानुसार पत्रकार व त्यांची कुटुंबे कामगार विभागाने निश्चित केलेले बांधकाम व इतर बांधकाम कामगार व त्यांची कुटुंबे हे सुद्धा योजनेचे लाभार्थी आहेत. लाभ घेण्यासाठी : वैध शिधापत्रिका व फोटो ओळखपत्र( आधार कार्ड, मतदान कार्ड, पॅन कार्ड इत्यादी) योजनेच्या अंगीकृत रुग्णालयांची माहिती घेणे करीता संपर्क साधा : अधिक माहितीसाठी नजीकच्या शासकीय प्राथमिक आरोग्य केंद्र/उपकेंद्र, ग्रामीण रुग्णालय, उपजिल्हा रुग्णालय, जिल्ह्या रुग्णालय येथे संपर्क साधा त्याचबरोबर ~www.jeevandayee.gov.in व www.pmiay.gov.in या संकेतस्थळावर उपलब्ध आहे. त्याचबरोबर आपण आयुष्मान भारत -प्रधान मंत्री जण आरोग्य योजनेचे लाभार्थी आहेत कि नाही हे जाणून घेण्यासाठी Www.mera.pmjay.gov.in या संकेत स्थळास भेट द्यावी.
