अण सयाजीराजे मोहिते पाटील यांनी 14मिटर वरून चेंडू बास्केट केला
अकलूज (प्रतिनिधी )आपला देश हा खेळांचा देश मानला जातो. आपल्या देशामध्ये विविध प्रकारचे खेळ खेळले जातात. त्यापैकीच बास्केटबॉल हा एक लोकप्रिय खेळ आहे. हा खेळ लहान मुले आणि तरुण मोठया प्रमाणावर खेळतात.. बास्केटबॉल हा व्यायामाचा एक चांगला प्रकार आहे असं म्हणता येईल. कित्येक लोकांना हा खेळ खेळणे खूप आवडते. त्यांची आवड सुद्धा असते. हा एक मनोरंजनात्मक खेळ आहे. अनेक तरुण नित्यनियमाने हा खेळ खेळतात. हा खेळ प्रामुख्याने चेंडू आणि बास्केट याच्या माध्यमाने खेळला जातो. हा खेळ आयताकृती मैदानात खेळावा लागतो. त्याला अदालत(कोर्ट )असेसुद्धा म्हटले जाते. बास्केटबॉल हा खेळ भारता सोबतच इतर देशांमध्ये सुद्धा खेळला जातो. काही देशांमध्ये तर हा खेळ खूपच लोकप्रिय आहे. हा खेळ मुख्य स्वरूपात पिंडवर गेम आहे. जो बास्केट बॉल कोर्ट मध्ये खेळला जातो. याला इंडोर आउट डोअर दोन्ही स्वरूपात खेळला जातो . बास्केटबॉल हा खेळ मनोरंजनात्मक मर्दानी साहसपूर्ण असा खेळ आहे. कित्येक शाळा महाविद्यालयांमध्ये या खेळांच्या स्पर्धांचे आयोजन केले जाते .तसेच जिल्हा, राज्य, राष्ट्रीय स्तरावर स्पर्धा आयोजित केल्या जातात. ऑलिम्पिक मध्ये देखील या खेळाचा समावेश करण्यात आला आहे.हा खेळ खेळल्यामुळे शरीराचा व्यायाम होतो.आज जगातील सर्व लोक हा खेळ खेळणे पसंत करत आहेत.लहान मुलांपासून ते तरुणांपर्यंत सर्वांनाच या खेळाने भुरळ पाडली आहे. माळशिरस तालुक्यातील अकलूज येथील विजयसिंह मोहिते पाटील क्रीडा संकुल येथे प्रशस्त मैदानात बास्केटबॉल कोर्ट आहे. येथे क्रीडा शिक्षक अनिल जाधव (सर )यांच्या मार्गदर्शनाखाली दररोज अनेक लहान मुले, मुली, तरुण सराव करीत आहेत.अकलूज येथील मोहिते पाटील परिवारातील सर्व सदस्य यांनी आपापल्या क्षेत्रात नावलौकिक मिळविला आहे. माळशिरस तालुक्याचा सर्वांगीण विकास केला केला आहे. सामाजिक, राजकीय, शैक्षणिक, सांस्कृतिक, क्रीडा या क्षेत्रात अकलूज चे नाव सर्वदूर पसरले आहे.सहकार महर्षी कारखान्याचे चेअरमन जयसिंह (बाळदादा )मोहिते पाटील यांचे नातू व शिक्षण प्रसारक मंडळ चे अध्यक्ष संग्रामसिंह मोहिते पाटील यांचे चिरंजीव सयाजीराजे मोहिते पाटील हे सध्या पुणे येथे शिक्षण घेत आहेत. आपले शिक्षण पूर्ण करीत असतानाच त्यांनी आपल्या आवडत्या बास्केट बॉल खेळाची देखील वडील धाऱ्याच्या पावलावर पाऊल ठेवीत परंपरा जोपासली आहे. आजोबा जयसिंह मोहिते पाटील यांनी लेझीम या खेळाला जागतिक स्तरावर उंची मिळवून दिली.जगविख्यात डान्सर मायकल जॅक्सन याने देखील लेझीम वर ठेका धरला होता. तर संग्रामसिंह मोहिते पाटील यांनी संग्रामसिंह मित्र मंडळ च्या माध्यमातून विविध क्रीडा स्पर्धेचे यशस्वी आयोजन केले.दीपावली च्या सुट्टी निमित्त सयाजीराजे मोहिते पाटील हे अकलूज ला आले असता, ते नियमितपणे अकलूज येथील क्रीडा संकुल मध्ये असलेल्या बास्केट बॉल कोर्ट वर सराव करतात. काही दिवसापूर्वी सराव करीत असताना त्यांनी आपले प्रशिक्षक अनिल जाधव (सर )यांच्या मार्गदर्शन खाली कोर्ट च्या मध्या वरून म्हणजेच 14मिटर वरून उंचावरून चेंडू बास्केट केला. तेथे उवस्थित असलेल्या नागरिकांने हे दृश्य आपल्या मोबाईल मध्ये कैद केले. सध्या सोशल मीडिया वर हा व्हिडीओ तुफान व्हायरल होत आहे.त्यांच्या या नेत्रदीपक कामगिरी बद्दल त्यांचे सर्वत्र कौतुक होत आहे.
