स्वाभिमानी शेतकरी संघटनेने लंपी संसर्गजन्य रोगापासून पशुधन वाचवणेसाठी आमदार रणजितसिंह मोहिते पाटील यांच्याकडे दिले निवेदन
नेवरे/प्रतिनिधी : सध्या महाराष्ट्रात फैलावत असणारा लंपी संसर्गजन्य आजार हा माळशिरस तालुक्यात वाढू नये यासाठी १)आपल्या पशुसंवर्धन विभागामार्फत लंपी या गुरांच्या संसर्गजन्य रोगाचे लक्षण,उपाय,प्राथमिक उपचार यांचे गावोगावी जनजागृती करून शेतकऱ्यांच्या मनातील भीती कमी करावी २)लंपी रोगावर नियंत्रण उपचारासाठी खाजगी मेडिकल स्टोअर्स मध्ये उपलब्ध औषधांच्या किमतीचे दरपत्रक शासनाने ठरवावे ३)राज्य सरकारने लंपी रोगावरील लसींचे मोफत वाटप करावे या विविध मागण्यांचे निवेदन आमदार रणजितसिंह मोहिते-पाटील यांना स्वाभिमानी शेतकरी संघटनेचे शिवराम गायकवाड,स्वाभिमानी पक्षाचे सिराज तांबोळी यांनी निवेदन दिले यावेळी अकलूज कृषीउत्पन्न बाजार समितीचे सचिव राजेंद्र काकडे साहेब, माळशिरस पंचायत समितीचे गटविकास अधिकारी विनायक गुळवे साहेब, गटशिक्षनाधिकारी धनंजय देशमुख साहेब, नेवरे गावचे सुरेश पाटील,ग्रामपंचायत सदस्य प्रमोद व्यवहारे, कोंढारपट्टा सरपंच विजय भोसले,उंबरे (वेळापूर) गावचे सरपंच पोपट भोसले,अरुण थिटे,दैनिक सुराज्य चे पत्रकार महादेव जाधव व नेवरे परिसरातील शेतकरी,विद्यार्थी उपस्थित होते आमदार रणजितसिंह मोहिते पाटील यांनी या निवेदनाच्या अनुषंगाने माळशिरस पंचायत समितीचे गटविकास अधिकारी विनायक गुळवे साहेब यांना व संबंधित विभागाला लंपी या संसर्गजन्य आजार संबंधी जनजागृतीच्या सक्त सूचना केल्या तसेच या प्रश्नी वरिष्ठ पातळीवर लक्ष घालणार असल्याचे आश्वासनही त्यांनी दिले.
