वेट लॉस आणि फॅट लॉस म्हणजे काय?
…….. गौतम भंडारे, फिटनेस ट्रेनर, आयएफएसआय इन्स्टिट्यूट, पुणे
धावपळीच्या काळात लोकांना आपल्या फिटनेसकडे लक्ष द्यायला पुरेसा वेळ मिळत नाही. तसेच वेळेवर खायलाही मिळत नाही. जीममध्ये अनेकजण न्युट्रीएशनकडून डाएट बनवून घेतात, परंतु त्यापैकी काहींना तो योग्यरित्या फॉलोही करता येत नाही. अनेकजण कामानिमित्त बाहेर गेल्यावर कुणी वडापाव किंवा हॉटेलमध्ये मिळेल ते खात असते. परंतु त्याचा आपल्या शरीरावर खूप वाईट परिणाम होतो. म्हणूनच काय खावे? आणि काय खाऊ नये? हे आपण माहिती करून घेतलेच पाहिजे. भविष्यात आपणास त्याची माहिती मिळेलच! परंतु अलीकडच्या काळात लोक वजन कमी करण्यासाठी कुठलीही आयुर्वेदिक औषधे घेत असल्याने त्यांचे वजन कमी होतेच, परंतु मसल लॉसही होतो. त्यामुळे वजन कमी करण्यासाठी आपण मसल लॉस होऊ न देता फॅट लॉस केला पाहिजे. नाहीतर त्याचे दुष्परिणाम आपल्या शरीरावर होत असतात. यासाठी मसल लॉस आणि फॅट लॉस म्हणजे काय ते आपण जाणून घेऊ या.
आपण शरीराचे वजन कमी करताना शरीर नेहमी स्नायू आणि चरबीयुक्त ऊतक म्हणजेच एडिपोज टिश्यू (फॅट) दोन्हीही ड्रॉप करते. त्यामुळे आपले वजन कमी होते, पण त्याबरोबर स्नायूही जातो. स्नायू कमी झाल्यामुळे आपली स्ट्रेंथ कमी होऊन थकवा येतो. त्यामुळे आपण रोजची कामे प्रभावीपणे करू शकत नाही. तर आपण योग्य व्यायाम व योग्य आहार घेऊन केवळ फॅट लॉस केल्यास आपण नेहमी उत्साहित राहून दररोजची कामे उत्साहाने करू शकतो. तसेच केवळ फॅट लॉस झाल्यामुळे आपली बॉडी सुध्दा चांगली दिसून पर्सनॅलिटी सुधारते. २० टक्के व्यायाम ७० टक्के डाएट आणि १० टक्के विश्रांती हा योग्य फिटनेसचा मूलमंत्र आहे. परंतु अनेकजण व्यायाम खूप करतात, पण डाएट विश्रांती योग्यरित्या घेत नाहीत. आपण काहीही खात राहतो. त्यामुळे रक्तात साखर वाढल्याने इन्सुलिन ती साखर पहिल्यांदा लिव्हरमध्ये टाकतो, लिव्हर भरला की स्नायूमध्ये स्टोअर करते. आणि तरीही साखर कमी नाही झाली तर ती साखर फॅटमध्ये स्टोअर केली जाते. त्यामुळे आपले फॅट वाढते व स्नायू (मसल) कमी होतो. मात्र आपण खूप जाड झालो असे समजून बरेचजण आयुर्वेदिक डाएट फॉलो करतात, तर काहीजण पहाटे वॉकिंगला जातात. परंतु योग्य डाएट फॉलो करीत नाहीत. या दोन्ही केसमध्ये त्यांना वाटते की आपले पोट कमी झाले. पण पोट कमी होण्याबरोबरच तुमचा मसल लॉसही झालेला असतो. तुम्ही एखादे काम करू लागला तर सारखे तेच काम करून थकून जाता. पुन्हा तुम्हाला कामच करू वाटत नाही. त्याच पध्दतीने रक्तात साखर वाढली की इन्सुलिन सतत साखर कमी करण्याचे काम करून करून थकतो आणि पुन्हा त्याची सेंसेटीव्हीच कमी होते. यामुळेच डायबेटीज होतो. मात्र इन्सुलिनची सेंसेटीव्ही वाढविण्यासाठी एपल सायडर विनेगर घेतले तर आपल्याला डायबेटीज टाळता येतो. अनेकांना कामानिमित्त व्यायाम करायला वेळ मिळत नाही अशा लोकांनी सकाळी कमीत कमी चार ते पाच किमी तरी चालावे व योग्य आहार घ्यावा. आपल्या खाण्यामध्ये सकाळच्या वेळी पहिल्या मिलमध्ये प्रोटीन असावे. सकाळी अंडी खावीत. व्हे प्रोटीनचा एक स्कूप पाण्यात घेतला तर अतिउत्तम. यामुळे तुमचा मसल लॉस होणार नाही. आपले संपूर्ण शरीर पेशींनी बनलेले आहे आणि पेशी प्रोटीनने बनलेल्या आहेत. त्यामुळे शरीराला कॅटाबॉलिक मोडमधून बाहेर काढण्यासाठी सकाळी प्रोटीन घेणे खूप गरजेचे आहे. त्याचबरोबर योग्य प्रमाणात कार्ब्सही घेतले पाहिजेत. त्यामध्ये ओट्स, मुसळी, राजगिरा यांसह ज्वारी किंवा बाजरीची भाकर खावी. तरच आपले शरीर चांगले राहील. यापुढेही फिटनेस संदर्भातील विविध लेख आपल्यासाठी घेऊन घेणार आहोत. काही शंका विचारायची असल्यास मो. 9529602295 / 7498827350 या क्रमांकावर संपर्क साधावा किंवा मॅसेज टाकावा. आपल्या शंकेचे समाधान केले जाईल.
