नवीन गाडी घेताय!!!!!सावधान!!!!
नवीन गाडी च्या नावाखाली जुन्या गाडीचे पार्ट बदलून केली जातेय विक्री.
अकलूज (प्रतिनिधी )एखाद्या कंपनी चि नवी टू व्हीलर अथवा फोर व्हीलर गाडी घेणे हे प्रत्येक व्यक्तीचे स्वप्न असते. त्यामुळे नवी कार अथवा टू व्हीलर खरेदी करण्याचा आनंद व्यक्त करताच येत नाही. परंतु काही वेळेस मात्र नवी गाडी खरेदी करण्याचा अनुभव काही ग्राहकांसाठी कटू ठरु शकतो. यामध्ये ग्राहकाची कोणतीच चुकी नसते. तर काही डिलर्स त्यांचा पेंडिंग स्टॉक काही कारणांमुळे विक्री करु शकत नाहीत. यामुळे ते ग्राहकांच्या नकळत त्यांना जुनी गाडी विक्री करतात. काही ग्राहकांना गाडी खरेदी करण्यापूर्वी त्या संबंधित अधिक माहिती नसल्यास किंवा सेल्स रिप्रेजेंटेटिव्ह यांची विनम्रतेसह ग्राहकाला आकर्षित करण्याच्या पद्धतीमध्ये फसतात. यामुळे डिलरला ग्राहकाला सहजपणे नव्या कारच्या अथवा टू व्हीलर च्या नावा खाली जुनी गाडी विक्री करण्याचा मार्ग मोकळा होतो.काही वेळेस फसवणूक करणारे डिलर्स आणि कारची चोरी करणाऱ्या व्यक्ती चोरी केलेली गाडी विक्री करण्यासाठी खोटी कागदपत्रे बनवतात. त्यामुळे ग्राहकाला एखाद्या व्यक्तीने वापरलेली गाडी दिली जाते. त्यामुळे अशा सर्व गोष्टींपासून सावध होऊन नवी गाडी खरेदी करणे आवश्यक आहे.अनेक ग्राहक काही वेळेस आपली जुनी गाडी एक्सचेंग करून नवी गाडी खरेदी करतात. मग या जुन्या गाडीचे नेमके काय केले जाते? गाडी बनविणारी कंपनी ही गाडी परत घेत नाही. त्यामुळे हे डीलर वाले जुन्या गाडीचे पार्ट बदलून ती गाडी नवीन म्हणून विक्री करीत असल्याच्या अनेक घटना आता उघडकीस आल्या आहेत.माळशिरस तालुक्यातील एका नामांकित डीलर ने अशा अनेक जुन्या गाड्या चे पार्ट बदलून त्या नवीन ग्राहकांना नवीन म्हणून विकल्या असल्याचे निदर्शनास आले आहे. ही नवीन गाडी खरेदी केल्यानंतर काही वर्षांनी या गाड्या बंद पडत आहेत.तसेच गाडीचा रंग एक ते दोन वर्षात निघून जात आहेत. एव्हढेच नव्हे तर गाडीचे अनेक पार्ट जुने असल्याचे निदर्शनास आले आहे.यासंदर्भात तक्रारी केल्यास उडवा -उडविची उत्तरे दिली जातात.तुम्हांला काय करायचे ते करा. आम्ही तुम्हांला नवी गाडी दिली आहे. असे सांगितले जाते.त्याचप्रमाणे जुन्या गाडीचे पार्ट बदलून नवीन गाडी बनवून विक्री केलेल्या गाडीचे पासिंग करताना उप प्रादेशिक परिवहन कार्यालयाचे अधिकारी कोणतीही खातर जमा न करता गाडीचे पासिंग करून देत आहेत.माळशिरस तालुक्यातील अनेक ग्राहकांची अशा प्रकारे फसवणूक झाली असून, अनेक ग्राहक आता सदर डीलर वर फसवणूकीचा गुन्हा दाखल करणार असल्याचे बोलले जात आहे.सदर डीलर ची वरिष्ठ पातळीवरून कसून चौकशी करून त्या डीलर वर फसवणूकीचा गुन्हा दाखल करून डीलरशिप रद्द करण्यात यावी. अशी मागणी जोर धरू लागली आहे.
