*पुण्यश्लोक अहिल्यादेवी होळकर यांनी क्रांतिकारक इतिहास निर्माण केला ; डॉ लक्ष्मण आसबे*
संग्रामनगर दि.३० (केदार लोहकरे याजकडून)पुण्यश्लोक अहिल्यादेवी होळकर यांनी आपल्या कर्तृत्वाच्या जोरावर क्रांतिकारक इतिहास निर्माण करून आदर्शवत जीवन जगण्याची प्रेरणा दिली असे मत कामधेनू परिवाराचे सर्वेसर्वा व ज्येष्ठ विचारवंत डॉ लक्ष्मण आसबे यांनी व्यक्त केले.
कांतीलाल भवन शंकरनगर-अकलूज येथे राजमाता पुण्यश्लोक अहिल्यादेवी होळकर यांच्या जयंतीनिमित्त डॉ.लक्ष्मण आसबे यांचे व्याख्यान आयोजित केले होते.यावेळी ते बोलत होते.या कार्यक्रमाची सुरुवात शहीद जवानांच्या माता व पत्नी यांच्या पादपुजनाने सुरुवात झाली.या कार्यक्रमाचे अध्यक्षस्थानी पंचायत समितीचे माजी सभापती मच्छिंद्रआबा ठवरे तसेच प्रमुख पाहुणे म्हणून डॉ मारुती पाटील, पांडुरंगतात्या वाघमोडे,उद्योगपती शिवाजीराव राचकर,पै सुरज ठवरे,डॉ पोटे,डॉ संजय सिद व धनगर समाज उन्नती मंडळाचे अध्यक्ष लक्ष्मीकांत दगडू वाघे,सचीव संजय पाडूळे,सुधाकर पोटे,दिलीप होनमाने,बबनराव देवकाते,उद्योगपती रणजित सुसलादे,आबासाहेब घुले,ठोंबरेताई,सौ पोटे मॅडम,निलेश ठोंबरे,शिवाजी घोडके,नागेश शिंदे,नागेश पोटे,अकलूज पोलिस स्टेशनचे पी.आय.वैभव मारकड, चाकण चे पोलिस निरीक्षक वाघमोडे,पोलिस निरीक्षक सौ कल्याणी पाडुळे,रूपेश पोटे,सागर देवकाते,संजय पिसे,तात्यासाहेब नायकुडे आदी मान्यवर उपस्थित होते.
याप्रसंगी पुढे बोलताना डॉ.आसबे म्हणाले की पुण्यश्लोक अहिल्यादेवी होळकर यांनी भारतातील असंख्य मंदिराचा जीर्णोद्धार केला.अनेकांना दानधर्म करून त्यांनी समाजसेवा जपली.आज रक्तदान शिबिराचे आयोजन करण्यात आले होते.यामध्ये ८७ रक्तदात्यानी रक्तदान केले.
या कार्यक्रमाचे सूत्रसंचालन संजय कुचेकर यांनी केले तर शेवटी आभार अज्ञानराव मोटे यांनी मानले.कार्यक्रमास बहुसंख्येने महिला भगिनी व समाज बांधव उपस्थित होते.
